Visit:
ఎవరిని అడిగినా.. సమయం లేదు మిత్రమా? ఇది పోటీ ప్రపంచం.. రేస్‌లో గెలవాలంటే ఎలాగైనా దూసుకెళ్లాల్సిందే!! అంటున్నారు. ఆఫీస్‌.. హోమ్‌.. ట్రాఫిక్‌.. సోషల్‌ మీడియా అంతా ఒకే చక్రం. ఇందులో ఇరుక్కుపోయి ఆరోగ్యాన్ని పట్టించుకోవడం లేదు. ఈ క్రమంలో మెట్రో నగరాల్లోని ట్రాన్స్‌పోర్ట్‌ వ్యవస్థలు ప్రయాణికుల్ని వినూత్నంగా ఆకట్టుకునే ప్రయత్నాలు చేస్తున్నాయి. వాటి లక్ష్యం ఒక్కటే.. ఫిట్‌నెస్‌. రోజులో వ్యాయామం చేయడానికి సమయం దొరకడం లేదా? అయితే, మెట్రో స్టేషన్లలో మెట్లు ఎక్కి, మీ ప్రయాణానికి ఫిట్‌నెస్‌ మంత్రాన్ని జత చేసుకోవచ్చు.
ఈ క్రమంలోనే ఢిల్లీ మెట్రో అయిదు ప్రధాన స్టేషన్లలో ‘క్యాలరీ సైనేజ్‌’ అనే కొత్త కాన్సెప్ట్‌ను ప్రారంభించింది. అంటే ఆ స్టేషన్లలో మీరు ఎక్కే ప్రతి మెట్టు ఎన్ని క్యాలరీలు కరిగిస్తుందో చూపే బోర్డులు ఉంటాయి. ఈ ప్రయత్నం.. ప్రయాణికులను హెల్తీ ట్రావెలర్‌గా మార్చేస్తున్నది.
మెట్రో స్టేషన్‌ మెట్లపై ఏర్పాటుచేసిన క్యాలరీ బోర్డులు.. నగరవాసులకు మంచి మోటివేషన్‌ ఇస్తున్నాయి. దాంతో చాలామంది లిఫ్ట్‌కి బదులు మెట్లు ఎక్కడం అలవాటు చేసుకుంటున్నారు. ఈ అలవాటు మోకాళ్ల బలాన్ని పెంచుతున్నదట కూడా! ఈ మెట్లపై రాసిన క్యాలరీల అంకెలు.. ఫిట్‌నెస్‌ రిమైండర్‌గా పనిచేస్తున్నాయట. కారులో ఆఫీస్‌కి వెళ్లినప్పుడు రోజంతా కలిపి మూడున్నర వేల అడుగులు నడిస్తే.. మెట్రోలో వెళ్లినప్పుడు దాదాపు ఎనిమిదివేల అడుగులు వేస్తున్నామని ప్రయాణికుల మాట.
ఎన్ని మెట్లు.. ఎన్ని క్యాలరీలు?
