చిన్నారులకు పౌఢర్‌

కాలమేదైనా.. చిన్నారుల స్నానం పూర్తయ్యిందంటే, వారి ఒంటినిండా పౌడర్‌ రాయాల్సిందే! దీనివల్ల చెమట పట్టకుండా ఉండి, పిల్లలు ఎక్కువపేపు ఫ్రెష్‌గా ఉంటారనేది తల్లిదండ్రుల భావన! చెడువాసన దూరమై.. పిల్లల నుంచి సువాసన వస్తుందని కూడా చాలామంది నమ్మిక! అయితే, సరైన జాగ్రత్తలు పాటించకుంటే..

కాలమేదైనా.. చిన్నారుల స్నానం పూర్తయ్యిందంటే, వారి ఒంటినిండా పౌడర్‌ రాయాల్సిందే! దీనివల్ల చెమట పట్టకుండా ఉండి, పిల్లలు ఎక్కువపేపు ఫ్రెష్‌గా ఉంటారనేది తల్లిదండ్రుల భావన! చెడువాసన దూరమై.. పిల్లల నుంచి సువాసన వస్తుందని కూడా చాలామంది నమ్మిక! అయితే, సరైన జాగ్రత్తలు పాటించకుంటే.. ‘పౌడర్‌’ వల్ల అనేక ఆరోగ్య సమస్యలు ఏర్పడతాయని హెచ్చరిస్తున్నారు ఆరోగ్య నిపుణులు.

పిల్లలకు పౌడర్‌ వేసేటప్పుడు అది గాలిలో కలిసిపోయి.. వారి ముక్కు, నోటి ద్వారా ఊపిరితిత్తుల్లోకి చేరే ప్రమాదం ఉంటుందట. దీనివల్ల పిల్లల్లో శ్వాస సంబంధ సమస్యలతోపాటు క్యాన్సర్‌వంటి ప్రమాదకరమైన వ్యాధులనూ కలిగిస్తాయట. చాలా కంపెనీల బేబీ పౌడర్‌లలో ‘డైలాగ్‌’ అనే ఖనిజ సమ్మేళనం ఉంటుందనీ, ఇందులోని ఆస్‌బెస్టాస్‌ అనే పదార్థం.. క్యాన్సర్‌ను కలగజేస్తుందని హెచ్చరిస్తున్నారు. అందుకే, పిల్లలకు పౌడర్‌ రాసేటప్పుడు కొన్ని జాగ్రత్తలు పాటించాలని సూచిస్తున్నారు.

• ఏ కాలంలోనైనా.. పిల్లలకు పౌడర్‌ను మితంగానే వాడాలి.
• పౌడర్‌ను నేరుగా కాకుండా.. మొదట ఏదైనా గుడ్డపై పోసి, ఆ తర్వాతే పిల్లల ముఖానికి రాయాలి.
• పౌడర్‌ రాసేటప్పుడు అది పిల్లల కళ్లలోకి, నోటిలోకి, ముక్కులోకి వెళ్లకుండా చూసుకోవాలి.
• స్నానం పూర్తయిన వెంటనే.. పిల్లల చర్మానికి పౌడర్‌ వేయడం మంచిదికాదు. చర్మం పూర్తిగా తడారిన తర్వాతే పౌడర్‌ రాయాలి.
• ఇక పిల్లల ప్రైవేట్‌ భాగాలకు పౌడర్‌ వేయడం చాలా ప్రమాదకరం. ఇలా చేయడం వల్ల పిల్లల్లో అలెర్జీలు, చికాకు లాంటి సమస్యలు కలుగుతాయి.
• అన్నిటికన్నా ముఖ్యంగా.. పిల్లల కోసం పౌడర్‌ను కొనేముందు, అది నాణ్యమైనదేనని నిర్ధారించుకోవాలి. వైద్యులు సూచించిన ఉత్పత్తులను కొనుగోలు చేయడం మంచిది.