ప్రాణాలతో చెలగాటం

ఈ మధ్య ఓ విదేశీ ఫుడ్‌ ఇన్‌ఫ్లుయెన్సర్‌ హఠాత్తుగా మరణించారు. మితిమీరిన డైటింగ్‌ ఇందుకు కారణమని నిపుణులు తేల్చారు. చివరి దశలో ఆ ఇన్‌ఫ్లుయెన్సర్‌ పోషక విలువల లోపంతో ఇబ్బంది పడినట్టు తెలుస్తున్నది. గత ఐదేండ్లుగా ఆమె పండ్లు, పొద్దుతిరుగుడు గింజలు, మొలకలు, స్మూతీల మీదే బతికేస్తున్నారు. వీటివల్ల కొన్ని పోషకాలు అపారంగా లభిస్తాయి. ఇంకొన్ని అస్సలు అందవు.

ఈ మధ్య ఓ విదేశీ ఫుడ్‌ ఇన్‌ఫ్లుయెన్సర్‌ హఠాత్తుగా మరణించారు. మితిమీరిన డైటింగ్‌ ఇందుకు కారణమని నిపుణులు తేల్చారు. చివరి దశలో ఆ ఇన్‌ఫ్లుయెన్సర్‌ పోషక విలువల లోపంతో ఇబ్బంది పడినట్టు తెలుస్తున్నది. గత ఐదేండ్లుగా ఆమె పండ్లు, పొద్దుతిరుగుడు గింజలు, మొలకలు, స్మూతీల మీదే బతికేస్తున్నారు. వీటివల్ల కొన్ని పోషకాలు అపారంగా లభిస్తాయి. ఇంకొన్ని అస్సలు అందవు. దీంతో సమతౌల్యం లోపిస్తుంది. ఏ ఆహార విధానమైనా.. హద్దులు దాటితే ప్రాణాంతకమే.

• ఆహారంలో క్యాలరీలు కూడా ముఖ్యమే. కొంతమంది నామమాత్రంగా క్యాలరీలు ఉన్న వీగన్‌ డైట్‌ తీసుకుంటారు. ఫలితంగా.. దీర్ఘకాలంలో విపరీతంగా బరువు కోల్పోతారు. పోషకాల కొరత ఇబ్బంది పెడుతుంది.
• టోఫు, సోయాపాలు, క్వినోవా, బఠాణీలు.. తదితర ఆహార పదార్థాల రూపంలో ప్రొటీన్‌ అందేలా
  డైట్‌ చార్ట్‌ సిద్ధం చేసుకోవాలి.
• విటమిన్‌-బి12, విటమిన్‌-డి, ఒమేగా ఫ్యాటీ యాసిడ్‌, జింక్‌ మనల్ని చురుగ్గా ఉంచుతాయి. వీటి కోసం పాలకూర, గుమ్మడి గింజలు మొదలైనవి తరచూ తినాలి.
• ఆహార విధానంలో ఏ మార్పు అయినా నిపుణుల సిఫారసుతోనే జరగాలి. యూట్యూబ్‌ గురువులు, ఆన్‌లైన్‌ ఫుడ్‌ ఇన్‌ఫ్లుయెన్సర్ల ప్రభావానికి గురికావద్దు.