Health tips | గర్భిణులే కాదు.. వారుకూడా ఫోలిక్‌ యాసిడ్‌ లోపం లేకుండా చూసుకోవాలి!

Health tips | గర్భిణులకు ఫోలిక్‌ యాసిడ్‌ చాలా ముఖ్యమని చెబుతారు. దీన్ని మాత్రల రూపంలో కాకుండా ఆహారం ద్వారా తీసుకోవచ్చా? ఫోలిక్‌ యాసిడ్‌ గర్భిణులకే కాకుండా ఎవరెవరికి అవసరం? తెలుపగలరు.

Health tips | గర్భిణులకు ఫోలిక్‌ యాసిడ్‌ చాలా ముఖ్యమని చెబుతారు. దీన్ని మాత్రల రూపంలో కాకుండా ఆహారం ద్వారా తీసుకోవచ్చా? ఫోలిక్‌ యాసిడ్‌ గర్భిణులకే కాకుండా ఎవరెవరికి అవసరం? తెలుపగలరు.

– ఓ పాఠకురాలు

ఫోలిక్‌ యాసిడ్‌ను విటమిన్‌-బి9 అని కూడా అంటారు. ప్రతి మనిషికీ ఇది అవసరమే. మన శరీరంలో కొత్త కణాల పెరుగుదలలో ఫోలిక్‌ యాసిడ్‌ చాలా కీలకం. అలాగే గర్భిణిగా ఉన్న తొలి నెలల్లో బిడ్డ వెన్నెముక, మెదడు ఎదుగుతాయి. అందులో ఫోలిక్‌ యాసిడ్‌ కీలకపాత్ర పోషిస్తుంది. తక్కువైతే న్యూరల్‌ ట్యూబ్‌ డిఫెక్ట్స్‌ లాంటివి వస్తాయి. గర్భిణులే కాదు, ఆడపిల్లలంతా తొలి నుంచీ ఫోలిక్‌ యాసిడ్‌ లోపం లేకుండా చూసుకోవాలి. క్యాబేజీ, క్యాలీఫ్లవర్‌తో పాటు తోటకూర, పాలకూర, పుట్టగొడుగులు, మొలకలు, స్వీట్‌ కార్న్‌ మొదలైన వాటిలో ఇది ఎక్కువగా ఉంటుంది. పండ్లలో నారింజ, ద్రాక్ష, అరటితోపాటు బెర్రీలన్నిటిలో ఫోలిక్‌ యాసిడ్‌ అపారంగా దొరుకుతుంది. శనగలు, సోయాబీన్స్‌, రాజ్మా, కిడ్నీ బీన్స్‌, వైట్‌ బీన్స్‌లో కూడా ఫోలిక్‌ యాసిడ్‌ లభిస్తుంది. బాదం, వాల్‌నట్స్‌లాంటి గింజల్లోనూ ఉంటుంది. ఫోలిక్‌ యాసిడ్‌ ఫోర్టిఫైడ్‌ ధాన్యాలు కూడా మంచివే. గర్భ ధారణ తర్వాత కాకుండా.. ప్రెగ్నెన్సీ ప్లాన్‌ చేసుకోడానికి రెండు నెలల ముందు నుంచే ఫోలిక్‌ యాసిడ్‌ సప్లిమెంట్లు తీసుకోవాలి. అప్పుడే, బిడ్డలు సంపూర్ణ ఆరోగ్యంతో పుడతారు.

– మయూరి ఆవుల,
న్యూట్రిషనిస్ట్‌, Mayuri.trudiet@ gmail.com