ఎర్లీగా.. బార్లీ టీ!

అందానికే కాదు.. ఆరోగ్యం కోసం కూడా ఇప్పుడు చాలామంది ‘బార్లీ టీ’ని ఆశ్రయిస్తున్నారు. కాల్చిన బార్లీ గింజలతో తయారయ్యే ఈ కషాయంతో.. అనేక ఆరోగ్య ప్రయోజనాలు పొందుతున్నారు. ఎర్లీ మార్నింగే బార్లీ టీ తాగుతూ.. అందాన్నీ, ఆరోగ్యాన్నీ కాపాడుకుంటున్నారు.

అందానికే కాదు.. ఆరోగ్యం కోసం కూడా ఇప్పుడు చాలామంది ‘బార్లీ టీ’ని ఆశ్రయిస్తున్నారు. కాల్చిన బార్లీ గింజలతో తయారయ్యే ఈ కషాయంతో.. అనేక ఆరోగ్య ప్రయోజనాలు పొందుతున్నారు. ఎర్లీ మార్నింగే బార్లీ టీ తాగుతూ.. అందాన్నీ, ఆరోగ్యాన్నీ కాపాడుకుంటున్నారు.

కావాల్సిన పదార్థాలు

బార్లీ గింజలు – 1 కప్పు, నీళ్లు – 4 లేదా 5 కప్పులు. తయారీ విధానం : బార్లీ గింజలు గోధుమ రంగులోకి వచ్చేదాకా మీడియం మంటపై వేయించుకోవాలి. చల్లారిన తర్వాత వాటిని మెత్తగా పొడి చేసుకోవాలి. ఒక గిన్నెలో నీటిని తీసుకుని.. బాగా మరిగించాలి. అందులో బార్లీ గింజల పొడి వేసుకొని.. 15 నుంచి 20 నిమిషాల వరకు బాగా మరిగించాలి. అంతే.. ఈ కషాయాన్ని వేడివేడిగా తాగొచ్చు. చల్లారిన తర్వాతైనా తీసుకోవచ్చు. రుచి కోసం చక్కెర, తేనె కూడా కలుపుకోవచ్చు.

ప్రయోజనాలెన్నో..

• చర్మాన్ని హైడ్రేటెడ్‌గా ఉంచడంలో ‘బార్లీ టీ’ సమర్థంగా పనిచేస్తుంది. చలికాలంలో చర్మం పొడిబారిపోకుండా ఉంచుతుంది. ముఖం కాంతివంతంగా మెరిసిపోయేలా చేస్తుంది.
• శరీరంలోని టాక్సిన్స్‌ను బయటకి పంపి.. రక్తాన్ని శుద్ధిచేస్తుంది. సహజసిద్ధమైన యాంటాసిడ్‌గా పనిచేసి.. జీర్ణవ్యవస్థను ఆరోగ్యంగా ఉంచడంలోనూ సాయపడుతుంది. విరేచనాలనూ తగ్గిస్తుంది.
• ‘బార్లీ టీ’లో ఉండే క్వెర్సెటిన్‌, యాంటి ఆక్సిడెంట్లు.. ఫ్రీరాడికల్స్‌తో పోరాడతాయి. చర్మంపై ముడతలను తగ్గిస్తాయి.
• ఈ టీని రెగ్యులర్‌గా తీసుకోవడం వల్ల నాడులకు విశ్రాంతి లభిస్తుంది. ఫలితంగా.. ఒత్తిడి, ఆందోళన తగ్గుతాయి.
• ఇందులో ఉండే క్లోరోజెనిక్‌, వనిలిక్‌ ఆమ్లాలు, యాంటి ఇన్‌ఫ్లమేటరీ సమ్మేళనాలు.. గుండె, మెదడు ఆరోగ్యానికి భరోసా ఇస్తాయి.
• బార్లీ టీ తాగడం వల్ల కంటినిండా నిద్ర పడుతుంది. ఇందులోని మెలటోనిన్‌.. మంచి నిద్రకు ఉపకరిస్తుంది.
• బార్లీ టీ’లో ఉండే యాంటి ఆక్సిడెంట్లు, పాలీఫినాల్స్‌.. దంతక్షయాన్ని నివారిస్తాయి. దంతాలను ఆరోగ్యంగా ఉంచడంలో సాయపడతాయి.