ఎవర్‌”గ్రీన్‌’ కురులు మీవే..

బరువు తగ్గడానికో మార్గం గ్రీన్‌ టీ. పని ఒత్తిడిని చిత్తు చేసే అస్త్రం గ్రీన్‌ టీ. ఇంటింటా మసలుతున్న గ్రీన్‌ టీ ఇప్పుడు సాటిలేని సౌందర్యానికి మేటి ఎంపికగా నిలుస్తున్నది. కురుల పటుత్వానికి గ్రీన్‌ టీ టిప్స్‌ ఫాలో అవుతున్న వారి సంఖ్య నానాటికీ పెరుగుతున్నది.

బరువు తగ్గడానికో మార్గం గ్రీన్‌ టీ. పని ఒత్తిడిని చిత్తు చేసే అస్త్రం గ్రీన్‌ టీ. ఇంటింటా మసలుతున్న గ్రీన్‌ టీ ఇప్పుడు సాటిలేని సౌందర్యానికి మేటి ఎంపికగా నిలుస్తున్నది. కురుల పటుత్వానికి గ్రీన్‌ టీ టిప్స్‌ ఫాలో అవుతున్న వారి సంఖ్య నానాటికీ పెరుగుతున్నది. ఎవర్‌గ్రీన్‌ కేశ సౌందర్యానికి మీరూ ఈ టిప్స్‌ ఫాలో అవ్వండి.

• ఒక స్పూన్‌ గ్రీన్‌ టీ పొడిలో గుడ్డులోని పచ్చసొన, అర టీస్పూన్‌ ఆవపిండి కలిపి జుట్టుకు రాసుకోవాలి. 15-20 నిమిషాల తర్వాత ఏదైనా షాంపూతో తలస్నానం చేయాలి. వారానికి రెండు లేదా మూడుసార్లు ఈవిధంగా చేస్తే జుట్టు ఒత్తుగా పెరుగుతుంది.
• రెండు కప్పుల నీటిలో ఒక టీ స్పూన్‌ గ్రీన్‌ టీ పొడి వేసి బాగా మరిగించాలి. తలస్నానం చేసిన తర్వాత ఈ నీటిని కుదుళ్లకు పట్టించి మసాజ్‌ చేసి అరగంట తర్వాత చల్లని నీటితో కడిగేయాలి. ఇలా తరచుగా చెయ్యడం వల్ల కుదుళ్లకు మంచి పోషణ అందుతుంది. దీంతో జుట్టు దృఢంగా మారుతుంది.
• అర కప్పు కొబ్బరినూనెలో ఒక స్పూన్‌ గ్రీన్‌ టీ పొడి వేసి బాగా కలిపి తలకు పట్టించాలి. అరగంట సమయం తర్వాత షాంపూ అప్లయ్‌ చేసి గోరువెచ్చని నీటితో తలస్నానం చేయాలి. ఇలా వారానికి రెండుసార్లు క్రమం తప్పకుండా చేస్తే జుట్టు ఆరోగ్యంగా మారుతుంది.