Asmita Athletics | హనుకొండలో ఉత్సాహంగా ‘అస్మిత అథ్లెటిక్స్​ లీగ్‌’ పోటీలు

హనుమకొండ జిల్లా అథ్లెటిక్స్​అసోసియేషన్‌ ఆధ్వర్యంలో కిట్స్​‍ కాలేజీ క్రీడా మైదానంలో జిల్లాస్థాయి అస్మిత అథ్లెటిక్స్​లీగ్‌ పోటీల్లో 14, 16 సంవత్సరాలలోపు బాలికలకు 11 అంశాల్లో పోటీలు ఉత్సాహంగా జరిగాయి.

హనుమకొండ, నవంబర్‌ 17 : హనుమకొండ జిల్లా అథ్లెటిక్స్​అసోసియేషన్‌ ఆధ్వర్యంలో కిట్స్​‍ కాలేజీ క్రీడా మైదానంలో జిల్లాస్థాయి అస్మిత అథ్లెటిక్స్​లీగ్‌ పోటీల్లో 14, 16 సంవత్సరాలలోపు బాలికలకు 11 అంశాల్లో పోటీలు ఉత్సాహంగా జరిగాయి. ఈ సందర్భంగా విజేతలకు మెడల్స్​‍, మెరిట్‌ సర్టిఫికెట్స్​‍అందజేసినట్లు తెలంగాణ అథ్లెటిక్స్​అసోసియేషన్‌ రాష్ట్ర ప్రధాన కార్యదర్శి సారంగపాణి తెలిపారు. స్పోర్ట్స్‌ అథారిటీ ఆఫ్‌ ఇండియా, అథ్లెటిక్స్​ఫెడరేషన్‌ ఆఫ్‌ ఇండియా ఆదేశాలు, సూచనల ప్రకారం పోటీలు నిర్వహించినట్లు చెప్పారు.

ఈ ముగింపు కార్యక్రమానికి ముఖ్యఅతిథులుగా తెలంగాణ అథ్లెటిక్స్​అసోసియేషన్‌ చైర్మన్‌ వరద రాజేశ్వర్‌రావు, పోటీల నిర్వహణకు అథ్లెటిక్స్​​‍ ఫెడరేషన్‌ ఆఫ్‌ ఇండియా నుంచి అబ్జర్వర్‌ అండ్‌ ట్యాలెంట్‌ ఐడెంటిఫికేషన్‌గా కె.అశ్విని హాజరయ్యారు. ఈ కార్యక్రమంలో కిట్స్​‍కాలేజీ ప్రిన్సిపాల్‌ అశోక్‌రెడ్డి, ప్రధాన కార్యదర్శి సారంగపాణి, వైస్ ప్రెసిడెంట్‌ రమేశ్‌రెడ్డి, టీఏఏ ఆర్గనైజింగ్‌ సెక్రటరీ వెంకటేశ్వర్‌రెడ్డి, అసోసియేషన్‌ సభ్యులు సాంబమూర్తి, వాసుదేవరావు, రజినీకాంత్‌, మహేందర్‌, కిట్స్​‍ పీడీ శ్రీనివాస్‌రెడ్డి, కోచ్‌లు శ్రీమన్నారాయణ, నాగరాజు, తిరుపతి, రంజిత్‌ వివిధ స్కూళ్ల నుంచి 20 మంది పీడీలు, పీఈటీలు పాల్గొన్నారు.