Visit:
హనుమకొండ చౌరస్తా, నవంబర్‌ 30 : అండర్‌-14 క్రికెట్‌అంతర్‌ జిల్లా పోటీలో వరంగల్‌ జట్టుపై హనుమకొండ జట్టు విజయం సాధించి అంతర్‌ జిల్లా ఛాంపియన్‌గా నిలిచినట్లు డబ్ల్యూడీసీఏ కార్యదర్శి చాగంటి శ్రీనివాస్ తెలిపారు. గ్రామీణ జిల్లా క్రికెటర్లు వెలుగులోకి తెచ్చేందుకు ఉమ్మడి వరంగల్‌ జిల్లా అండర్‌-14 ఇంట్రా డిస్ట్రిక్ట్‌ పోటీలలో భాగంగా 6 జిల్లాల జట్లు హనుమకొండ, వరంగల్‌, ములుగు, జనగామ, భూపాలపల్లి, మహబూబాబాద్‌ జిల్లాల జట్లను ఎంపిక చేసి ఈనెల 26 నుంచి 30 వరకు పోటీలు నిర్వహించామన్నారు.
ఈ టోర్నమెంట్‌లో బ్యాటింగ్‌, బౌలింగ్‌ విభాగాల్లో రాణించిన ప్రతిభగల 15 మందిని ఉమ్మడి వరంగల్‌ జిల్లా జట్టుకు ఎంపిక చేసినట్లు వివరించారు.
ఎంపికైన జట్టు డిసెంబర్‌ నెలలో హైదరాబాద్‌ క్రికెట్‌ అసోసియేషన్‌ ఆధ్వర్యంలో నిర్వహించే అండర్‌ 14 పాల్గొనున్నట్లు తెలిపారు. ఈ ఫైనల్‌ మ్యాచ్‌ కార్యక్రమానికి డిస్ట్రిక్‌ క్రికెట్‌ అసోసియేషన్‌ జిల్లా అధ్యక్షుడు పెద్ది ప్రవీణ్‌, జిల్లా ఉపాధ్యక్షులు తోట రాము, సంయుక్త కార్యదర్శి ఉపేందర్‌, మాజీ కార్యదర్శి ఉదయభానురావు, మట్టెడ కుమారస్వామి పాల్గొన్నారు. ఈ సందర్భంగా కార్యదర్శి చాగంటి శ్రీనివాస్ మాట్లాడుతూ పోటీల్లో రాణించినవారికే జట్టులో స్థానం లభించినట్లు తెలిపారు. అండర్‌-14 జట్టు వివరాలు: యు.అశ్విత్‌(కెప్టెన్‌), వి.సుప్రీత్‌, ఎస్.రిత్విక్‌, డి.జస్వంత్‌, పి.సహర్షరెడ్డి, ఈ.శివకాశి, ఎన్‌.మనీష్‌రెడ్డి, నాగసహస్రార ఆరవ్‌, డి.హృషికేశ్‌, డి.ప్రీతమ్‌, ఆర్‌.తనయ్‌, వి.సాయిలెనిన్‌ తేజ, బి.రితేష్‌, ఎండి.ఆయన్‌ అహ్మద్‌, ఏ.సుజిత్‌
