Distance education | దూరవిద్యా ప్రవేశాల గడువు సెప్టెంబర్‌ 10 వరకు పొడిగింపు

కాకతీయ విశ్వవిద్యాలయం దూరవిద్యా కేంద్రం(,Distance education) అందిస్తున్న డిగ్రీ, పీజీ, డిప్లొమా, సర్టిఫికెట్‌, ఓరియంటేషన్‌ కోర్సులలో 2025-26 విద్యా సంవత్సరానికి గాను ప్రవేశాలకు గడువు పొడిగించినట్లు, అర్హులైన అభ్యర్థులు సెప్టెంబర్‌ 10 వరకు దరఖాస్తు చేసుకోవాలని డైరెక్టర్‌ ప్రొఫెసర్‌ సురేష్‌లాల్‌ తెలిపారు.

హనుమకొండ చౌరస్తా, ఆగస్టు 11: కాకతీయ విశ్వవిద్యాలయం దూరవిద్యా కేంద్రం(,Distance education) అందిస్తున్న డిగ్రీ, పీజీ, డిప్లొమా, సర్టిఫికెట్‌, ఓరియంటేషన్‌ కోర్సులలో 2025-26 విద్యా సంవత్సరానికి గాను ప్రవేశాలకు గడువు పొడిగించినట్లు, అర్హులైన అభ్యర్థులు సెప్టెంబర్‌ 10 వరకు దరఖాస్తు చేసుకోవాలని డైరెక్టర్‌ ప్రొఫెసర్‌ సురేష్‌లాల్‌ తెలిపారు. మొత్తం 59 కోర్సులలో ప్రవేశాలకు దరఖాస్తు ఆహ్వానిస్తున్నట్లు, డిగ్రీలో బీఏ, బీకాం (జనరల్‌, కంప్యూటర్స్​‍), బీబీఏ, బీఎస్సీ, బీఎస్ఐఎస్సీ, పీజీలో ఎం.ఎ. తెలుగు, ఇంగ్లీష్‌, హిందీ, సంస్కృతం, పబ్లిక్‌ అడ్మినిస్ట్రేషన్‌, పోలిటికల్‌ సైన్స్​‍, ఎకనామిక్స్​​‍, హిస్టరి, రూరల్‌ డెవలప్‌మెంట్‌, సోసియాలజీ, హెచ్‌.ఆర్‌.ఎం., ఎం.కామ్‌., సోషల్‌ వర్క్​‍, జర్నలిజం అండ్‌ మాస్ కమ్యూనికేషన్స్​‍, ఎమెస్సీ సైకాలజీ, గణిత శాస్త్రం, ఎన్విరాన్‌ మెంటల్‌ సైన్స్​‍, ఫిజిక్స్​​‍, కెమిస్ట్రీ, వృక్ష, జంతుశాస్త్రాలు, ఎంఎల్‌ఐఎస్సీ కోర్సులు ఉన్నాయన్నారు.

అలాగే మరో 9 డిప్లోమా కోర్సులు, 14 సర్టిఫికెట్‌ కోర్సులు, ఏడు ఓరియంటేషన్‌ కోర్సులను నిర్వహిస్తున్నట్లు, ఈ విద్యా సంవత్సరానికి ఇదే చివరి గడువు కావున విద్యార్థులు ఈ అవకాశం వినియోగించుకోవాలన్నారు. అర్హులైన అభ్యర్థులు అవసరమైన సర్టిఫికెట్లు, ఫొటో జతచేసి, కోర్సు రుసుం ఆన్‌లైన్‌లోగాని దూరవిద్యా కేంద్రంలో క్యూఆర్‌ స్కాన్‌ ద్వారాగాని చెల్లించవచ్చని, కోర్సులు, ఫీజులు మరిన్ని వివరాల కోసం 0870-2461480, 2461490 నెంబర్లను సంప్రదించాలని కోరారు.