క‌త్రినా, విక్కీ పెళ్లి: గెస్ట్‌ల‌ కోసం ఖ‌రీదైన‌ రిసార్ట్‌.. ఒక రోజు స్టేకి ధ‌రెంతో తెలుసా?

క‌త్రినా, విక్కీ పెళ్లి: గెస్ట్‌ల‌ కోసం ఖ‌రీదైన‌ రిసార్ట్‌ | ప్ర‌స్తుతం బాలీవుడ్‌లో ట్రెండింగ్‌లో ఉన్న ఒకే ఒక్క టాపిక్.. క‌త్రినా కైఫ్, విక్కీ కౌశ‌ల్ పెళ్లి. ఎట్ట‌కేల‌కు ఈ ప్రేమ జంట ఒక్కటి కాబోతోంది. రాజ‌స్థాన్‌లో డిసెంబ‌ర్ 9న వీళ్ల పెళ్లి ఘ‌నంగా జ‌ర‌గ‌నుంది. స‌వాయ్ వాధోపూర్‌లో ఉన్న సిక్స్

December 6, 2021 / 07:03 PM IST

క‌త్రినా, విక్కీ పెళ్లి: గెస్ట్‌ల‌ కోసం ఖ‌రీదైన‌ రిసార్ట్‌.. ఒక రోజు స్టేకి ధ‌రెంతో తెలుసా?

ప్ర‌స్తుతం బాలీవుడ్‌లో ట్రెండింగ్‌లో ఉన్న ఒకే ఒక్క టాపిక్.. క‌త్రినా కైఫ్, విక్కీ కౌశ‌ల్ పెళ్లి. ఎట్ట‌కేల‌కు ఈ ప్రేమ జంట ఒక్కటి కాబోతోంది. రాజ‌స్థాన్‌లో డిసెంబ‌ర్ 9న వీళ్ల పెళ్లి ఘ‌నంగా జ‌ర‌గ‌నుంది. స‌వాయ్ వాధోపూర్‌లో ఉన్న సిక్స్ సెన్సెస్ బ‌ర్వారా ఫోర్ట్‌లో విక్కీ, క‌త్రినా పెళ్లి జ‌ర‌గ‌నుంది. ఇప్ప‌టికే చ‌ట్ట‌బ‌ద్ధంగా విక్కీ, క‌త్రినా భార్యాభ‌ర్త‌లు అయిపోయారు. కాక‌పోతే.. త‌మ సంప్ర‌దాయంలో వేద పండితుల స‌మ‌క్షంలో డిసెంబ‌ర్ 9న పెళ్లి జ‌ర‌గ‌నుంది.

ఇప్పటికే.. క‌త్రినా, విక్కీ పెళ్లి కోసం.. బాలీవుడ్‌కు చెందిన ప‌లువురు సినీ ప్ర‌ముఖులు రాజ‌స్థాన్‌కు క్యూ క‌డుతున్నారు. త‌మ పెళ్లికి వ‌చ్చే గెస్ట్‌ల కోసం విక్కీ ఇప్ప‌టికే అన్ని ఏర్పాట్లు చేసేశాడు. గెస్ట్‌ల కోసం అక్క‌డే ఒక ల‌గ్జ‌రీ రిసార్ట్‌ను బుక్ చేశాడు. ఆ రిసార్ట్‌లో ల‌గ్జ‌రీ టెంట్ల‌ను వేయించాడు. ఒక గెస్ట్‌కు ఒక రాత్రికి ఆ రిసార్ట్ 70 వేల రూపాయ‌లు వ‌సూలు చేయ‌నుంద‌ట‌. అది కూడా ప్రారంభ ధ‌ర అని తెలుస్తోంది.

ఆ రిసార్ట్‌లో వీవీఐపీ గెస్ట్‌ల కోసం 10 ల‌గ్జ‌రీ టెంట్ల‌ను బుక్ చేశాడ‌ట విక్కీ. డిసెంబ‌ర్ 10 వ‌ర‌కు ఆ గెస్టులు ఆ రిసార్ట్‌లోనే స్టే చేయ‌నున్న‌ట్టు తెలుస్తోంది.

అయితే.. క‌త్రినా, విక్కీ పెళ్లికి బాలీవుడ్ నుంచి క‌ర‌ణ్ జోహార్, అలి అబ్బాస్ జాఫ‌ర్, రోహిత్ శెట్టి, సిద్ధార్థ్ మ‌ల్హోత్రా, కియ‌రా అద్వానీ, వ‌రుణ్ దావ‌న్‌, న‌టాషా ద‌లాల్, విక్కీ సోద‌రుడు స‌న్నీ కౌశ‌ల్‌, అత‌డి గ‌ర్ల్ ఫ్రెండ్ శ‌ర్వారి వాఘ్ అటెండ్ అవ్వ‌నున్న‌ట్టు స‌మాచారం. ఇంకా లిస్టులో చాలామంది పేర్లు ఉన్నా.. ఆ పేర్లు బ‌య‌టికి రాలేదు.

లోక‌ల్ టు గ్లోబ‌ల్ వార్త‌ల కోసం.. న‌మ‌స్తే తెలంగాణ ఫేస్‌బుక్‌, ట్విట‌ర్ పేజీల‌ను ఫాలో అవ్వండి