నువ్వు ఎక్కడ పుట్టావు.. ఎక్కడ పెరిగావు.. ఏం చేస్తున్నావు.. చదువుకున్నావా? లేదా? అనేవాటితో సంబంధం లేకుండా.. అందరికీ ఉండేది ఒకే ఒకటి కామన్ సెన్స్. దానితో పాటు కాసింత తెలివి ఉంటే ఈ ప్రపంచాన్నే ఏలేయొచ్చు.. అని నిరూపించాడు ఓ వ్యక్తి.
అతడు చేసిందేం లేదు. కాస్త తన మెదడుకు పదును పెట్టాడు. రాత్రంతా హాయిగా ట్రెయిన్లో నిద్రపోయాడు. ఇంతకీ ఆ వ్యక్తి ఏం చేశాడంటారా? ట్రెయిన్లో సీటు దొరకలేదు. ఏం చేస్తాడు. కింద పడుకుందామంటే.. అటూ ఇటూ వెళ్లే వాళ్లతో గొడవ. అందుకే.. బుర్రకు పనిచెప్పాడు. దీంతో ఒక మంచి ఐడియా తట్టింది. దీంతో వెంటనే తన బ్యాగులో నుంచి ఓదుప్పటి తీసి.. ట్రెయిన్ మీద లగేజ్ పెట్టుకునే స్టాండ్కు.. ఇవతలి వైపు సీటు పైన ఉండే స్టాండ్కు దుప్పటిని కట్టేశాడు.
ఆ తర్వాత చిన్నపిల్లాడిలా అందులో దూరిపోయి హాయిగా నిద్రపోయాడు. ఆ వ్యక్తి చేసిన ఆ పని చూసి ట్రెయిన్లోని ప్రయాణికులంతా నోరెళ్లబెట్టారు. సీటు లేకున్నా.. భలే ప్లాన్ వేసి ఎంత హాయిగా నిద్రపోయాడు అంటూ అందరూ అతడి ఐడియాను మెచ్చుకున్నారు. ఈ ఘటన ఎక్కడ జరిగిందో తెలియదు కానీ.. ప్రస్తుతం దీనికి సంబంధించిన వీడియో మాత్రం సోషల్ మీడియాలో తెగ వైరల్ అవుతోంది. నెటిజన్లు అయితే మనోడి ఐడియాను చూసి తెగ పొడుగుతున్నారు. ట్రెయిన్లో జూగాడ్ అంటూ కామెంట్లు చేస్తున్నారు. అలాంటి సీటుకు టికెట్ తీసుకోవాల్సిన పని కూడా లేదు అంటూ మరికొందరు కామెంట్లు చేశారు.
భార్య పుట్టినరోజును మరిచిపోతే.. అక్కడ జైలుకు వెళ్లాల్సిందే.. శిక్ష అనుభవించాల్సిందే
వరదల్లో చిక్కుకున్న పూజారిని ప్రాణాలకు తెగించి కాపాడిన పోలీసు.. వీడియో వైరల్
ఫుడ్ ప్రిపేర్ చేశాడు.. రోడ్డు అవతల ఉన్న వ్యక్తి పైకి విసిరేశాడు.. వైరల్ వీడియో
మీరు జీకేలో తోపా.. మీకు ఉచిత ప్రయాణం.. రూపాయి కూడా ఇవ్వాల్సిన పనిలేదు.. ఎలాగో తెలుసా?