Premature Baby : 5 నెల‌ల‌కే పుట్టాడు.. గిన్నిస్ వ‌ర‌ల్డ్ రికార్డ్ క్రియేట్ చేశాడు

5 నెల‌ల‌కే పుట్టాడు | ఒక బిడ్డ త‌ల్లి క‌డుపులో ప‌డ్డ‌ప్ప‌టి నుంచి ఈ భూమ్మీద‌కు వ‌చ్చే దాక ఎన్నో అవాంత‌రాల‌ను దాటాలి. మ‌ధ్య‌లో ఏమాత్రం తేడా వ‌చ్చినా

ఒక బిడ్డ త‌ల్లి క‌డుపులో ప‌డ్డ‌ప్ప‌టి నుంచి ఈ భూమ్మీద‌కు వ‌చ్చే దాక ఎన్నో అవాంత‌రాల‌ను దాటాలి. మ‌ధ్య‌లో ఏమాత్రం తేడా వ‌చ్చినా క‌డుపులో బిడ్డ‌కు ప్ర‌మాద‌మే.. త‌ల్లికి ప్ర‌మాదమే. అందుకే.. గ‌ర్భిణీల‌ను చాలా జాగ్ర‌త్త‌గా చూసుకుంటారు. మంచి ఆహారం అందిస్తారు.

అయిన‌ప్ప‌టికీ.. కొంద‌రు నెల‌లు నిండ‌క‌ముందే ప్ర‌స‌విస్తారు. సాధార‌ణంగా 9 నెల‌ల పాటు త‌ల్లి బిడ్డ‌ను త‌న క‌డుపులో మోయాల్సిందే. కొంద‌రు 7 నెల‌ల‌కే ప్ర‌స‌విస్తారు. ఇంకొంద‌రు 8 నెలలు.. ఇలా నెల‌లు నిండ‌క‌ముందు జ‌న్మించిన పిల్లల్లో నూటికి 90 మంది పిల్ల‌లు పుట్ట‌గానే చ‌నిపోతారు. ఒక్క‌రో ఇద్ద‌రో బ‌తుకుతారు.

కానీ.. ఓ మ‌హిళ 5 నెల‌ల‌కే ప్ర‌స‌వించింది. 5 నెల‌ల‌కే బిడ్డ‌ను క‌న్న‌ది. క‌న‌డ‌మే కాదు.. త‌న కొడుకును కాపాడుకొని.. త‌న కొడుకు గిన్నిస్ రికార్డ్ నెల‌కొల్పేలా చేసింది. ఈ ఘ‌ట‌న యూఎస్‌లో చోటు చేసుకుంది.

అల‌బమాకు చెందిన ఓ మ‌హిళ గ‌ర్భం దాల్చిన 21 వారాల‌కే డెలివ‌రీ అయింది. దీంతో 420 గ్రాముల బరువుతో బిడ్డ పుట్టాడు. అత‌డిని కాపాడుకోవ‌డం కోసం చాలా క‌ష్టాలు ప‌డింది ఆ మ‌హిళ‌. ఇప్పుడు త‌న కొడుకు పుట్టి 16 నెల‌లు అవుతుంది. ఇప్పుడు ఏ స‌మ‌స్యా లేదు. అంద‌రు పిల్ల‌ల్లాగానే ఆ పిల్లాడు కూడా ఆడుకుంటాడు. ఆహారం తింటాడు. న‌వ్వుతాడు.. ఏడుస్తాడు.. అన్నీ చేస్తాడు.

అలా 5 నెల‌ల‌కే పుట్టి.. బ‌తికి బ‌ట్ట‌క‌ట్టిన వాళ్లు చాలా అరుదు. అందుకే ఆ చిన్నారి పేరును గిన్నిస్ వ‌ర‌ల్డ్ రికార్డులో ఎక్కించారు. ప్ర‌పంచంలో అత్యంత త‌క్కువ నెల‌ల్లో పుట్టి బ‌తికిన‌ ప‌సికందుగా న‌మోదు చేశారు.

నిజానికి.. ఆ మ‌హిళ క‌వ‌ల‌ల‌కు జ‌న్మ‌నిచ్చింది. అందులో ఒక‌రు అమ్మాయి. మ‌రొక‌రు అబ్బాయి. పుట్ట‌గానే అమ్మాయి చ‌నిపోయింది కానీ.. అబ్బాయి మాత్రం వైద్యానికి స‌హ‌క‌రించ‌డంతో వైద్యులు ఆ పిల్లాడ‌ని కాపాడ‌గ‌లిగారు. దాదాపు 9 నెల‌ల పాటు బాబును ఆసుప‌త్రిలోనే ఉంచి వైద్యం అందించి.. ఆ త‌ర్వాత డిశ్చార్జ్ చేశారు.

లోక‌ల్ టు గ్లోబ‌ల్ వార్త‌ల కోసం.. న‌మ‌స్తే తెలంగాణ ఫేస్‌బుక్‌, ట్విట‌ర్ పేజీల‌ను ఫాలో అవ్వండి

ఇవి కూడా చదవండి..

shonke village | 5200 అడుగుల ఎత్తులో ఉన్న ఈ గ్రామానికే రెండే దారులు..

ఇక్క‌డ వందేండ్లు బ‌త‌క‌డం చాలా కామ‌న్.. కార‌ణ‌మేంటో తెలుసా !!

Married life tips | కొత్త‌గా పెళ్ల‌యిందా? ఈ ఏడింటినీ దాటేస్తే అంతా ఆనంద‌మే

Mukesh Ambani | స్పోర్ట్స్‌.. ఆతిథ్యంపై ముకేశ్ అంబానీ క్రేజీ.. అందుకే లండ‌న్ ఎస్టేట్ సొంతం?!