Pregnant Cat : గ‌ర్భంతో ఉన్న పిల్లిని కాపాడారు.. 10 ల‌క్ష‌ల రివార్డు పొందారు

గ‌ర్భంతో ఉన్న పిల్లిని కాపాడారు | కేర‌ళ‌కు చెందిన ఇద్ద‌రు వ్య‌క్తులు న‌సిర్ షిహాబ్‌, మ‌హ‌మ్మ‌ద్ ర‌షిద్.. దుబాయ్‌లో సెటిల్ అయ్యారు

August 28, 2021 / 06:40 PM IST

Pregnant Cat : గ‌ర్భంతో ఉన్న పిల్లిని కాపాడారు.. 10 ల‌క్ష‌ల రివార్డు పొందారు

ప్ర‌తి మ‌నిషికి ఒక రోజు వ‌స్తుంటారు. అవును.. వీళ్ల‌కు ఆ రోజు.. ఒక పిల్లి రూపంలో వ‌చ్చింది. అదే వాళ్ల‌కు అదృష్ట దేవ‌త అయింది. 10 లక్ష‌ల రివార్డు వ‌చ్చేలా చేసింది. కేర‌ళ‌కు చెందిన ఇద్ద‌రు వ్య‌క్తులు న‌సిర్ షిహాబ్‌, మ‌హ‌మ్మ‌ద్ ర‌షిద్.. దుబాయ్‌లో సెటిల్ అయ్యారు. న‌సిర్.. బ‌స్ డ్రైవ‌ర్‌గా ప‌నిచేస్తుండ‌గా.. ర‌షిద్.. కిరాణ కొట్టును న‌డిపిస్తున్నాడు.

అయితే..ర‌షిద్ కిరాణ కొట్టు ప‌క్క‌నే పైన రెండో ఫ్లోర్ నుంచి ఓ పిల్లి కింద ప‌డుతుండ‌టం గ‌మనించాడు ర‌షిద్. అప్పుడే షిహాద్ కూడా అక్క‌డే ఉన్నాడు. వెంట‌నే ఇద్ద‌రూ క‌లిసి.. ఓ బెడ్ షీట్ ప‌ట్టుకొని.. నిల‌బ‌డ్డారు. ఆ పిల్లికి ప‌ట్టు దొర‌క‌క.. రెండో ఫ్లోర్ బాల్క‌నీ నుంచి కింద ప‌డ‌బోతుండ‌గా.. బెడ్ సీట్‌ను అడ్డంగా పెట్టారు. దీంతో ఆ పిల్లి బెడ్ షీట్‌లో ప‌డి ప్రాణాలు ద‌క్కించుకుంది. అయితే.. ఆ పిల్లి ప్రెగ్నెంట్‌తో ఉండ‌టంతో.. దాన్ని కాపాడిన ఆ ఇద్ద‌రు ఇండియ‌న్స్‌ను అక్క‌డి స్థానికులు మెచ్చుకున్నారు.

దీనికి సంబంధించిన వీడియోను ర‌షిద్.. త‌న సోష‌ల్ మీడియా అకౌంట్‌లో షేర్ చేశాడు. దీంతో ఆ వీడియో దుబాయ్ సోష‌ల్ మీడియాలో వైర‌ల్ అయింది. ఆ వీడియో దుబాయ్ రూల‌ర్‌.. షేక్ మ‌హ‌మ్మ‌ద్ బిన్ ర‌షిద్ కంట ప‌డింది.

ఆ వీడియోను చూసిన షేక్ మ‌హ‌మ్మ‌ద్‌.. పిల్లిని కాపాడిన ఆ ఇద్ద‌రు ఇండియ‌న్స్‌కు 10 ల‌క్ష‌ల రివార్డును ప్ర‌క‌టించాడు.

Proud and happy to see such acts of kindness in our beautiful city.
Whoever identifies these unsung heroes, please help us thank them. pic.twitter.com/SvSBmM7Oxe
— HH Sheikh Mohammed (@HHShkMohd) August 24, 2021