బీరు గ్లాస్ ఎలా కింద‌ప‌డిపోయిందో ఈ వీడియో చూసి చెప్పండి చూద్దాం

బీరు గ్లాస్ ఎలా కింద‌ప‌డిపోయిందో ఈ వీడియో చూసి చెప్పండి చూద్దాం | ఒక్కోసారి కొన్ని విచిత్ర ఘ‌ట‌న‌లు జ‌రుగుతుంటాయి. వాటిని చూసి న‌మ్మాలా? న‌మ్మొద్దా? అనే ఆలోచ‌న‌లో ప‌డిపోతాం

November 23, 2021 / 09:01 PM IST

ఒక్కోసారి కొన్ని విచిత్ర ఘ‌ట‌న‌లు జ‌రుగుతుంటాయి. వాటిని చూసి న‌మ్మాలా? న‌మ్మొద్దా? అనే ఆలోచ‌న‌లో ప‌డిపోతాం మ‌నం. తాజాగా అటువంటి ఘ‌ట‌నే ఒక‌టి యూకేలోని సుంద‌ర్‌లాండ్‌లో చోటు చేసుకుంది.

స్థానికంగా ఉన్న బ్లూ హౌస్ ప‌బ్‌లో ఓ ఘ‌ట‌న చోటు చేసుకుంది. డార్లా అండ‌ర్‌స‌న్ అనే ఓ యువ‌తి ఆ ప‌బ్‌ను ర‌న్ చేస్తుంది. ఒక రోజు రాత్రి పూట ప‌బ్‌లో ఇద్ద‌రు ముగ్గురే ఉన్న స‌మ‌యంలో బీరుతో నిండి ఉన్న గ్లాస్ ఒక్క‌సారిగా కింద‌ప‌డిపోయింది. ఆ స‌మ‌యంలో ఆ గ్లాస్ ద‌గ్గ‌ర ఎవ్వ‌రూ లేరు. గ్లాస్‌కు కొంచెం దూరంలో ఓ వ్య‌క్తి ఉన్నాడు. కానీ.. ఆ వ్య‌క్తి ఆ గ్లాస్ ద‌గ్గ‌రికి వ‌చ్చిన దాఖ‌లాలు లేవు.

అస‌లు.. ఎవ‌రి ప్ర‌మేయం లేకుండా ఆ గ్లాస్ ఎలా కింద‌ప‌డుతుంది. ఎవ‌రో వెనుక నుంచి కింద‌ప‌డేసిన‌ట్టుగా ప‌డిపోయింది అది. ఆ ఘ‌ట‌న ప‌బ్‌లోని సీసీటీవీ కెమెరాలో రికార్డు అవ‌డంతో.. ఆ ప‌బ్ ఓన‌ర్ అండ‌ర్‌స‌న్.. ఆ వీడియోను సోష‌ల్ మీడియాలో పోస్ట్ చేసింది.

దీంతో.. ఆ ప‌బ్‌ను ఇదివ‌ర‌కు న‌డిపిన‌.. మాజీ ఓన‌ర్‌.. అండ‌ర్‌స‌న్‌కు కాల్ చేసి.. తాము ప‌బ్‌ను నడిపిన‌ప్పుడు కూడా ఇటువంటి సంఘ‌ట‌న‌లే జ‌రిగాయి.. అని చెప్పార‌ట‌. దీంతో అండ‌ర్‌స‌న్‌కు లేని భ‌యం ప‌ట్టుకుంద‌ట‌. అది హాంటెడ్ ప‌బ్ అని ఆ ప‌బ్‌ను న‌డిపిన మాజీ ఓన‌ర్ చెప్ప‌డంతో.. అస‌లు న‌మ్మాలో న‌మ్మ‌కూడ‌దో త‌న‌కు అర్థం కాలేద‌ట‌. నెటిజ‌న్లు మాత్రం త‌మ‌కు తెలిసిన థియ‌రీని చెప్పుకొచ్చారు. మొత్తానికి ఆ వీడియో ప్ర‌స్తుతం సోష‌ల్ మీడియాలో వైర‌ల్‌గా మారింది. ఇంత‌కీ.. మీకు ఏమైనా తెలిసిందా? నిజంగానే ఆ గ్లాస్‌ను దెయ్య‌మే ప‌డేసిందంటారా? లేక ఇంకేదైనా కార‌ణం ఉందంటారా?