Viral video: టొయోటా ఫార్చూన‌ర్ న‌డిపిన ఎనిమిదేళ్ల బాలుడు..నెటిజ‌న్లు షాక్‌!!

సోష‌ల్‌మీడియాలో ఓ షాకింగ్ వీడియో వైర‌ల్ అవుతోంది. పాకిస్తాన్ రోడ్ల‌పై ఓ ఎనిమిదేళ్ల బాలుడు టొయోటా ఫార్చూన‌ర్ న‌డ‌ప‌డం క‌ల‌క‌లం రేగింది. ఇండియాలోలాగే పాకిస్తాన్‌లోకూడా డ్రైవింగ్ లైసెన్స్ పొందాలంటే 18 ఏళ్ల వ‌య‌స్సు నిండాలి. కానీ, ఈ వీడియోలో బాలుడు పాకిస్తాన్‌లోని సియాల్కోట్‌లో ఎనిమిదేళ్ల‌కే ఎస్‌యూవీ న‌డిపి నిబంధ‌న‌లు అతిక్ర‌మించాడు.

సోష‌ల్‌మీడియాలో ఓ షాకింగ్ వీడియో వైర‌ల్ అవుతోంది. పాకిస్తాన్ రోడ్ల‌పై ఓ ఎనిమిదేళ్ల బాలుడు టొయోటా ఫార్చూన‌ర్ న‌డ‌ప‌డం క‌ల‌క‌లం రేగింది. ఇండియాలోలాగే పాకిస్తాన్‌లోకూడా డ్రైవింగ్ లైసెన్స్ పొందాలంటే 18 ఏళ్ల వ‌య‌స్సు నిండాలి. కానీ, ఈ వీడియోలో బాలుడు పాకిస్తాన్‌లోని సియాల్కోట్‌లో ఎనిమిదేళ్ల‌కే ఎస్‌యూవీ న‌డిపి నిబంధ‌న‌లు అతిక్ర‌మించాడు.

ఈ వీడియోలో బాలుడిని ఆయాన్‌గా గుర్తించారు. ఇత‌డు ఆరేళ్ల‌నుంచే కారు డ్రైవ్ చేస్తున్నాడు. ఈ వీడియోలో త‌న ప‌దేళ్ల అక్క కారు ముందు నిల్చొని మొద‌ట అయాన్ డ్రైవింగ్ స్కిల్స్‌ను వివ‌రించింది. అనంత‌రం బాలుడు ఎస్‌యూవీ డోర్ తీసి, డ్రైవింగ్ సీట్లో కూచున్నాడు. సీటు బెల్టు పెట్టుకోకుండానే కాస్త ముందుకు వంగి స్టీరింగ్ తిప్పుతూ రోడ్డుపై దూసుకెళ్లాడు. అత‌డి ప‌క్క‌నుంచి కొన్ని వాహనాలు ఓవ‌ర్‌టేక్ చేయ‌డం క‌నిపించింది.

ఈ వీడియోను ‘అయాన్ అండ్ అరీబా’ అనే యూట్యూబ్ చాన‌ల్‌లో ఏప్రిల్ 1న అప్‌లోడ్ చేశారు. ‘ఎనిమిదేళ్ల బాలుడు టొయోటా ఫార్చూన‌ర్ ఎలా న‌డుపుతాడో చూపిస్తాం’ అని హెడ్డింగ్ పెట్టారు. ఈ వీడియో వైర‌ల్‌గా మారింది. చాలామంది ఆ అబ్బాయి త‌ల్లిదండ్రుల‌పై మండిప‌డ్డారు. ఈ పిల్ల‌లు ఇత‌రుల లైఫ్‌ను రిస్క్‌లో పెడుతున్నార‌ని ఆగ్ర‌హం వ్య‌క్తంచేశారు. ఇది చట్టవిరుద్ధం, బాధ్యతారాహిత్య‌మైన‌ది, ప్రమాదకరమైనద‌ని, ఎట్టి ప‌రిస్థితిలోనూ ఇలాంటివి ఉపేక్షించ‌కూడ‌ద‌ని ప‌లువురు కామెంట్ చేశారు.