Warangal Para Athletes | ఢిల్లీ గ్రాండ్‌ప్రిక్స్​‍లో నాలుగు కాంస్య పతకాలు సాధించిన వరంగల్‌ పారా అథ్లెట్లు

Warangal Para Athletes | వరంగల్‌ జిల్లాకు చెందిన పారా అథ్లెట్లు ఏ.లోకేష్‌, పి.మమత ఢిల్లీలో జరిగిన ప్రతిష్టాత్మక వరల్డ్​‍ పారా అథ్లెటిక్స్​‍గ్రాండ్‌ ప్రిక్స్​​‍పోటీల్లో అద్భుత ప్రదర్శనతో పతకాలు సాధించి తెలంగాణ రాష్ట్రానికి గర్వకారణంగా నిలిచారు.

హనుమకొండ చౌరస్తా : వరంగల్‌ జిల్లాకు చెందిన పారా అథ్లెట్లు ( Para Athletes ) ఏ.లోకేష్‌, పి.మమత ఢిల్లీలో జరిగిన ప్రతిష్టాత్మక వరల్డ్​‍ పారా అథ్లెటిక్స్​‍గ్రాండ్‌ ప్రిక్స్​​‍పోటీల్లో అద్భుత ప్రదర్శనతో పతకాలు సాధించి తెలంగాణ రాష్ట్రానికి గర్వకారణంగా నిలిచారు. మార్చి 11 నుంచి 14 వరకు జవహర్‌లాల్‌ నెహ్రూ స్టేడియంలో పోటీలు జరిగాయి.

వరంగల్‌ జిల్లా నర్సంపేటకు చెందిన ఏ.లోకేష్‌ ( Lokesh , ఎఫ్‌-46 విభాగం) తన ప్రతిభను చాటుతూ జావెలిన్‌ త్రో, షాట్‌పుట్‌ విభాగాలలో రెండు కాంస్య పతకాలు సాధించి రాష్ట్ర ఖ్యాతిని చాటారు. పి.మమత ( Mamata,ఎఫ్‌-55 విభాగం) కూడా అసాధారణ ప్రతిభ కనబరిచి షాట్‌పుట్‌, జావెలిన్‌త్రో విభాగాలలో రెండు కాంస్య పతకాలు సాధించారు.

వారి విజయంపై క్రీడా అధికారులు, కోచ్‌లు, క్రీడాభిమానులు హర్షం వ్యక్తం చేస్తూ అభినందనలు తెలిపారు. ఈ విజయాలు గ్రామీణ ప్రాంతాల నుంచి వచ్చే క్రీడాకారులకు గొప్ప ప్రేరణగా నిలుస్తాయని వెల్లడించారు.