Visit:
జైపూర్: ఒక హాస్టల్ మెస్లోకి మొసలి ప్రవేశించింది. అక్కడ ఉన్న సిబ్బంది దానిని చూసి షాక్ అయ్యారు. భయంతో పరుగులు తీశారు. హాస్టల్లో నివసించే యువకులు ఆ మొసలిని బంధించేందుకు ప్రయత్నించారు. ఈ వీడియో క్లిప్ సోషల్ మీడియాలో వైరల్ అయ్యింది. (Crocodile Walks Into Hostel Mess) రాజస్థాన్లోని కోటా జిల్లాలో ఈ సంఘటన జరిగింది. జూలై 17న మధ్యాహ్న సమయంలో కోరల్ పార్క్లో ఉన్న ఒక బాలుర హాస్టల్లోకి మొసలి ప్రవేశించింది. అది నేరుగా కిచెన్లోకి వచ్చింది.
కాగా, కిచెన్లో పని చేస్తున్న సిబ్బంది చిన్న మొసలిని చూసి ఒక్కసారిగా షాకయ్యారు. భయంతో అక్కడి నుంచి పరుగులు తీశారు. మొసలి సమాచారం తెలిసి హాస్టల్లోని కొందరు కోచింగ్ విద్యార్థులు కూడా బయటకు పరుగెత్తారు. కొందరు యువకులు దానిని నిలువరించి బంధించేందుకు ప్రయత్నించారు.
మరోవైపు ఈ సమాచారం తెలుసుకున్న అటవీ శాఖ సిబ్బంది ఆ హాస్టల్కు చేరుకున్నారు. డైనింగ్ రూమ్లోకి ప్రవేశించిన దానిని సురక్షితంగా పట్టుకున్నారు. ఆ తర్వాత సమీపంలోని నదిలో ఆ చిన్న మొసలిని విడిచిపెట్టారు. సమీపంలోని పెద్ద మురుగు కాలువ ద్వారా హాస్టల్ ప్రాంగణంలోకి అది ప్రవేశించినట్లు అధికారులు అనుమానిస్తున్నారు. ఆ హాస్టల్లోని సీసీటీవీలో రికార్డైన ఈ వీడియో క్లిప్ సోషల్ మీడియాలో వైరల్ అయ్యింది.
#कोटा के बॉयज हॉस्टल के मेस में घुसा #मगरमच्छ, जान बचाकर भागे छात्र और कर्मचारी…
कोटा: #राजस्थान के कोटा में शुक्रवार को बॉयज हॉस्टल की मेस में मगरमच्छ घुस आया. मेस में खाना बना रहे कुक ने जैसे ही मगरमच्छ को देखा, वह अपनी जान बचाकर वहां से भागा.#crocodile #Rajasthan pic.twitter.com/dlQsRjXNh7
— JITENDRA GAUTAM (@jitendranews11) July 18, 2026
