Visit:
IND vs ENG : లార్డ్స్ వన్డేలో ఎట్టకేలకు ఇంగ్లండ్ తొలి వికెట్ పడింది. అర్ధ శతకం తర్వాత బౌండరీలతో రెచ్చిపోయిన ఓపెనర్ జాకబ్ బెథెల్(91)ను ప్రసిధ్ కృష్ణ(1-36) వెనక్కి పంపాడు. భారత్పై అత్యధిక ఓపెనింగ్ భాగస్వామ్యంతో రికార్డు నెలకొల్పిన బెన్ డకెట్(90 నాటౌట్), బెథెల్ జోడీని విడదీశాడు. శతకం కొట్టేలా కనిపించిన బెథెల్.. డీప్ స్క్వేర్ లెగ్ బౌండరీ వద్ద రోహిత్ శర్మ చేతికి చిక్కాడు.
నిర్ణయాత్మక మూడో వన్డేలో భారత్కు తొలి బ్రేకిచ్చాడు ప్రసిధ్ కృష్ణ(1-36). బుమ్రా గైర్హాజరీలోని టీమిండియా పేస్ దళాన్ని సమర్ధంగా ఎదుర్కొన్న ఇంగ్లండ్ ఓపెనర్లు బెన్ డకెట్(90 నాటౌట్), జాబ్ బెథెల్(91) ద్వయాన్ని విడదీశాడీ పొడగరి పేసర్.
First half-century as an England ODI opener for Jacob Bethell 👏🏽
England’s first century opening partnership in ODIs at Lord’s since 2010.#Cricket #ENGvIND
pic.twitter.com/SxZyJimjk0— CREX (@Crex_live) July 19, 2026
వీరిద్దరి జోరుతో పవర్ ప్లేను 58-0తో ముగించిన ఇంగ్లండ్.. భారీ స్కోర్ దిశగా సాగుతున్న దశలో ప్రసిధ్ డేంజరస్ బెథెల్ను వెనక్కి పంపాడు. దాంతో డకెట్తో తొలి వికెట్కు అతడు నెలకొల్పిన 192 పరుగుల రికార్డు భాగస్వామ్యానికి తెరపడింది. ప్రస్తుతం జో రూట్ జతగా ఆడుతున్న డకెట్ సెంచరీకి చేరువయ్యాడు. 33 ఓవర్లకు ఇంగ్లండ్ స్కోర్.. 206-1.
