Veena Vani | వీడని బంధానికి 23 ఏండ్లు.. పుట్టినరోజు వేడుకలు జరుపుకున్న వీణ-వాణి

అవిభక్త కవలలు వీణ-వాణి గురువారం 23వ వసంతంలోకి ప్రవేశించారు. 2003 అక్టోబర్‌ 16న సూర్యాపేటలోని ఓ ప్రైవేట్‌ దవాఖానలో తలల అతుక్కొని కవలలుగా జన్మించారు.

Veena Vani | దంతాలపల్లి, అక్టోబర్‌ 16 : అవిభక్త కవలలు వీణ-వాణి గురువారం 23వ వసంతంలోకి ప్రవేశించారు. 2003 అక్టోబర్‌ 16న సూర్యాపేటలోని ఓ ప్రైవేట్‌ దవాఖానలో తలల అతుక్కొని కవలలుగా జన్మించారు. మహబుబాబాద్‌ జిల్లా దంతాలపల్లి మండలం బీరిశెట్టిగూడెంకు చెందిన మారగాని మురళి-నాగలక్ష్మి దం ప తులకు నలుగురు కుమార్తెలు.

మొదటి కుమార్తె బిందు కాగా, రెండో సంతానంలో వీణ-వాణి జన్మించారు. నాలుగో సం తానంలో సింధు జన్మించింది. ఈ కవలల శస్త్రచికిత్స కోసం గత ప్రభుత్వాలు వివిధ దేశాలు, రాష్ర్టాలు తిప్పినా ఫలితం లేకుం డా పోయింది. ప్రస్తుతం వీరు హైదరా బాద్‌లోని చిల్డ్రన్‌హోమ్‌లో ఉంటూ బీకాం పూర్తిచేశారు. చార్టెడ్‌ ఎకౌంటెంట్‌ట్స్‌ కావాలనే లక్ష్యంతో చదువుతున్నారు.

పిల్లలతో ఉండేలా చూడాలి

మా అవిభక్త కవలలు వీణ-వాణి పెద్దవాళ్లు అవుతుండడంతో ఇబ్బందులు ఎదుర్కొనే పరిస్థితి ఉంది. పిల్లలతో కలిసి ఉండేలా ప్రభుత్వం ఉపాధి కల్పించాలి.

– వీణ-వాణి తల్లిదండ్రులు