డబ్బా పాలు వికటించి కవల పిల్లలు మృతి

డబ్బా పాలు వికటించి నాలుగు నెలల కవల పిల్లలు మృతి చెందిన ఘటన జయశంకర్‌ భూపాలపల్లి జిల్లా గొల్లపల్లిలో ప్రపంచ కవలల దినోత్సవం రోజే జరిగింది. వివరాల్లోకి వెళ్తే గొల్లపల్లికి చెందిన మర్రి అశోక్‌-లాస్యశ్రీ దంపతులకు నాలుగు నెలల క్రితం రెండో సంతానంలో కవలు (పాప, బాబు) జన్మించారు.

• జయశంకర్‌భూపాలపల్లి జిల్లా గొల్లపల్లిలో ఘటన 
• ప్రపంచ కవలల దినోత్సవం రోజే విషాదం

గణపురం, ఫిబ్రవరి 22: డబ్బా పాలు వికటించి నాలుగు నెలల కవల పిల్లలు మృతి చెందిన ఘటన జయశంకర్‌ భూపాలపల్లి జిల్లా గొల్లపల్లిలో ప్రపంచ కవలల దినోత్సవం రోజే జరిగింది. వివరాల్లోకి వెళ్తే గొల్లపల్లికి చెందిన మర్రి అశోక్‌-లాస్యశ్రీ దంపతులకు నాలుగు నెలల క్రితం రెండో సంతానంలో కవలు (పాప, బాబు) జన్మించారు. లాస్యశ్రీ పిల్లలతో ఇటీవల తల్లిగారిల్లు నగరంపల్లెకి వెళ్లింది. భర్త అశోక్‌ గణపురంలోని ఓ మెడికల్‌ షాపులో పాల పౌడర్‌ తీసుకొచ్చాడు. శనివారం ఉదయం 8 గంటలకు ఒకసారి, 10 గంటలకు మరోసారి ఆ పాలు తాగించి పిల్లలను పడుకోబెట్టింది. మధ్యాహ్నం 12 గంటల సమయంలో పిల్లల్లో కదలిక లేకపోవడంతో అనుమానం వచ్చి చూడగా ముకుల్లోంచి పాలు కారుతూ కనిపించింది. దీంతో పిల్లలను భూపాలపల్లి జిల్లా కేంద్రంలోని ఓ ప్రైవేటు దవాఖానకు తీసుకెళ్లారు. అకడ పరీక్షించిన వైద్యులు అప్పటికే చిన్నారులు మృతి చెందినట్టు నిర్ధారించారు. పౌడర్‌ పాలు తాగడం వల్లే కవల పిల్లలు మృతి చెందినట్టు తల్లిదండ్రులు, బంధువులు ఆరోపిస్తున్నారు.