Inter Advance Supplimentary | 12 నుంచి ఇంటర్‌ అడ్వాన్స్‌డ్‌ సప్లిమెంటరీ

Inter Advance Supplimentary | తెలంగాణ ఇంటర్ అడ్వాన్స్డ్ సప్లిమెంటరీ పరీక్షలు ఈ నెల 12 నుంచి జరుగుతాయని ఇంటర్ బోర్డు తెలిపింది.

Inter Advance Supplimentary | హైదరాబాద్‌, జూన్‌ 8 (నమస్తే తెలంగాణ): ఇంటర్మీడియట్‌ అడ్వాన్స్‌డ్‌ సప్లిమెంటరీ పరీక్షలు ఈ నెల 12 నుంచి 20వ తేదీ వరకు నిర్వహించనున్నట్టు ఇంటర్‌ బోర్డు తెలిపింది. ఉదయం 9 గంటల నుంచి 12 గంటల వరకు ఇంటర్‌ ఫస్టియర్‌, మధ్యాహ్నం 2.30 గంటల నుంచి సాయంత్రం 5.30 గంటల వరకు ఇంటర్‌ సెకండియర్‌ పరీక్షలు నిర్వహిస్తామని తెలిపింది.

హాల్‌టికెట్లు https://tsbie.cgg.gov.in వెబ్‌సైట్‌లో అంబుబాటులో ఉన్నాయని, విద్యార్థులు త్వరగా డౌన్‌లోడ్‌ చేసుకోవాలని ఇంటర్ బోర్డు సూచించింది. కాలేజీల ప్రినిపాల్స్‌ కూడా అధికారిక లాగిన్‌ నుంచి హాల్‌టికెట్లు డౌన్‌లోడ్‌ చేయవచ్చని పేర్కొన్నది.

వెబ్‌సైట్‌లో పది అడ్వాన్స్‌డ్‌ సప్లిమెంటరీ హాల్‌ టికెట్లు

పదో తరగతి అడ్వాన్స్‌డ్‌ సప్లిమెంటరీ పరీక్షలు రాసే విద్యార్థులకు హాల్‌ టికెట్లు https://bse.telangana.gov.in వెబ్‌సైట్‌లో అందుబాటులో ఉన్నాయని ఎస్‌ఎస్‌సీ బోర్డు తెలిపింది. ఈ నెల 14 నుంచి 22వ తేదీ వరకు పరీక్షలు జరుగుతాయని వెల్లడించింది. ఉదయం 9.30 గంటల నుంచి మధ్యాహ్నం 12.30 వరకు పరీక్షలు జరుగుతాయని పేర్కొన్నది.