Tragedy | చందానగర్లో విషాదం.. లిఫ్ట్లో ఇరుక్కుని మహిళ మృతి
Tragedy | లిఫ్ట్ లో ఇరుక్కుని మహిళ మృతి చెందిన ఘటన చందానగర్ పోలీసు స్టేషన్ పరిధిలో చోటు చేసుకుంది.
కొండాపూర్ : లిఫ్ట్ ( Lift ) లో ఇరుక్కుని మహిళ ( Women ) మృతి చెందిన ఘటన చందానగర్( Chandanagar ) పోలీసు స్టేషన్ పరిధిలో చోటు చేసుకుంది. మృతురాలి భర్త, పోలీసులు తెలిపిన వివరాల ప్రకారం.. నల్లగండ్ల ఎస్సీ కాలనీలో నివాసం ఉండే ధాడి శ్రీనివాస్, తన భార్య అనసూయ(43) తో కలిసి మంగళవారం చందానగర్ అన్నపూర్ణ ఎన్క్లేవ్లోని చాట్వాజ్ మెన్షన్ అపార్ట్మెంట్లో ఉంటున్న మేనమామ ధాడి గోవింద్ను పరామర్శించేందుకు వచ్చారు.
అపార్ట్మెంట్ గ్రౌండ్ ఫ్లోర్లో లిఫ్ట్ వద్దకు చేరుకున్న అనంతరం శ్రీనివాస్ ముందుగా లిఫ్ట్లోకి ప్రవేశించగా, అనసూయ లిఫ్ట్లోకి ఎక్కుతున్న సమయంలో ఒక కాలు లోపల, మరో కాలు బయట ఉండగానే లిఫ్ట్ తలుపులు పూర్తిగా మూసుకోకముందే అకస్మాత్తుగా పైకి కదిలింది. దీంతో ఆమె లిఫ్ట్, ప్రవేశ ద్వారం మధ్య ఇరుక్కుపోయి తీవ్ర గాయాలపాలై అపస్మారక స్థితిలోకి వెళ్లింది. భర్త శ్రీనివాస్ కేకలు వేయడంతో అపార్ట్మెంట్ వాసులు, స్థానికులు అక్కడికి చేరుకుని లిఫ్ట్ను నిలిపేసి అనసూయను బయటకు తీశారు.
ఆమెను వెంటనే చందానగర్లోని ప్రైవేట్ దవఖానాకు తరలించగా పరీక్షించిన వైద్యులు అనసూయ అప్పటికే మృతి చెందినట్లు నిర్ధారించారు. కాగా ప్రమాదం జరిగిన సమయంలో లిఫ్ట్ మరమ్మత్తు పనులు జరుగుతున్నప్పటికీ, లిఫ్ట్ టెక్నీషియన్ అనిల్ కుమార్ ప్రధాన విద్యుత్ సరఫరాను నిలిపివేయకుండా, నివాసితులను అప్రమత్తం చేసేలా ఎలాంటి హెచ్చరిక బోర్డులు ఏర్పాటు చేయకుండా పనులు నిర్వహించాడని అనసూయ భర్త ఆరోపించారు.
లిఫ్ట్ టెక్నీషియన్ నిర్లక్ష్యంతో పాటు అపార్ట్ మెంట్ అసోసియేషన్ సభ్యులు, లిఫ్ట్ నిర్వహణ సంస్థ జాన్సన్ ఎలివేటర్స్ యాజమాన్యం నిర్లక్ష్యం వల్లే తన భార్య మృతి చెందిందని పోలీసులకిచ్చిన ఫిర్యాదులో పేర్కొన్నారు. పోలీసులు కేసు నమోదు చేసుకుని దర్యాప్తు చేస్తున్నారు.
Read Today's Latest Telangana News in Telugu and Telugu News
- Tags
- Chandanagar
- Kondapur
- lift
- tragedy
RELATED ARTICLES
తాజా వార్తలు
Shiva Kandukuri | వివాహబంధంలోకి అడుగుపెట్టనున్న టాలీవుడ్ నటుడు శివ కందుకూరి.!
BRS Dharna | కోయిల్ సాగర్ ప్రాజెక్టు వద్ద బీఆర్ఎస్ ధర్నా.. నీటి తరలింపు ప్రతిపాదన విరమించుకోవాలని డిమాండ్
Harish Rao | దమ్ముంటే నువ్వే సిద్దిపేటలో నా మీద పోటీ చెయ్.. సీఎం రేవంత్ రెడ్డికి హరీశ్ రావు సవాల్
Negligence | ఇందిరమ్మ ఇళ్ల ప్రారంభోత్సవంలో అధికారుల నిర్లక్ష్యం..సర్పంచును పక్కనపెట్టి ప్రారంభోత్సవం
సాగర్ నీటి వనరుల పరిరక్షణ, ప్రాజెక్టు భద్రతపై రిటైర్డ్ ఇంజనీర్ల బృందం పరిశీలన
ట్రెండింగ్ వార్తలు
Vande Bharat Train | బంధువులను సాగనంపేందుకు వందే భారత్ రైలు ఎక్కిన 12 మంది.. తర్వాత ఏం జరిగిందంటే?
Watch: హాస్పిటల్ యజమానిని బెదిరించి రూ.10 లక్షలు వసూలు.. కాంగ్రెస్ నేత అరెస్ట్, పార్టీ నుంచి బహిష్కరణ
Watch: ‘బ్యాగ్లో గంజాయి పెడతా.. డ్రగ్స్ కేసులో ఇరికిస్తా’.. జంటను బెదిరించిన పోలీస్ అధికారి
Migratory birds | చిలికా సరస్సుకు ప్రత్యేక అతిథులు.. ఏకంగా 80 జాతుల వలసపక్షుల సందడి.. Video
China flies electric plane | 19 సీట్ల ఎలక్ట్రిక్ విమానం.. విజయవంతంగా నడిపి పరీక్షించిన చైనా

