Traffic restrictions | హైదరాబాద్‌లో ట్రాఫిక్‌ ఆంక్షలు.. ఏయే రూట్లలో అంటే?

రంజాన్ (Ramadan) పర్వదినాన్ని పుర‌స్కరించుకొని హైద‌రాబాద్‌లో పోలీసులు ట్రాఫిక్ ఆంక్షలు (Traffic restrictions) విధించారు. పలు ప్రాంతాల్లో రద్దీని బట్టి ట్రాఫిక్‌ను దారి మళ్లించనున్నారు.

హైద‌రాబాద్: రంజాన్ (Ramadan) పర్వదినాన్ని పుర‌స్కరించుకొని హైద‌రాబాద్‌లో పోలీసులు ట్రాఫిక్ ఆంక్షలు (Traffic restrictions) విధించారు. పలు ప్రాంతాల్లో రద్దీని బట్టి ట్రాఫిక్‌ను దారి మళ్లించనున్నారు. ముఖ్యంగా చార్మినార్‌ (Charminar) మక్కా మసీదు (Makka Masjid), సికింద్రాబాద్‌లోని జామ్‌-ఇ-మసీదు, మీరాలం ఈద్గా, మాసాబ్ ట్యాంక్ హాకీ గ్రౌండ్స్‌లో ముస్లి సోందరులు ప్రత్యేకప ప్రార్థనలు నిర్వహించనున్నారు. ఈ నేపథ్యంలో ఆయాప్రాంతాల్లో ఉద‌యం 8 నుంచి 11.30 గంట‌ల వ‌ర‌కు ట్రాఫిక్ ఆంక్షలు అమ‌ల్లో ఉండనున్నాయి. ఈ సమయంలో వాహ‌న‌దారులు ప్రత్యామ్నాయ మార్గాల్లో వెళ్లాలని పోలీసులు సూచించారు.

మళ్లింపులు ఇలా..

• పురానాపూల్, కామ‌టిపురా, కిష‌న్ బాగ్ నుంచి మీరాలం ఈద్గాకు ప్రార్థన‌ల కోసం వ‌చ్చే వారి వాహ‌నాల‌ను బ‌హ‌దూర్‌పురా క్రాస్ రోడ్స్ వ‌ర‌కే అనుమ‌తిస్తారు. సాధార‌ణ ట్రాఫిక్‌ను తాడ్‌బ‌న్‌, ఈద్గా వైపు అనుమ‌తించ‌రు. సాధార‌ణ ట్రాఫిక్‌ను దాన‌మ్మ హాట్స్ క్రాస్ రోడ్డు వ‌ద్ద శాస్త్రిపురం వైపు అనుమ‌తిస్తారు. మోచి కాల‌నీ, బ‌హ‌దూర్‌పురా, షంషీర్‌గంజ్‌, న‌వాబ్ షాహెబ్ కుంట వైపు వాహ‌నాల‌ను మ‌ళ్లించ‌నున్నారు.
• పురానాపూల్ నుంచి బ‌హ‌దూర్‌పురా వైపు వెళ్లే ఆర్టీసీ బ‌స్సుల‌ను పురానాపూల్ ద‌ర్వాజా వ‌ద్దనే మ‌ళ్లించ‌నున్నారు. శంషాబాద్, రాజేంద్రన‌గ‌ర్‌, మైలార్‌దేవ్‌ప‌ల్లి నుంచి బ‌హ‌దూర్‌పురా వైపు వ‌చ్చే వాహ‌నాల‌ను ఆరాంఘ‌ర్ జంక్షన్ వ‌ద్ద ప‌లు మార్గాల్లో మ‌ళ్లించ‌నున్నారు.
• మాస‌బ్ ట్యాంక్ ఫ్లై ఓవ‌ర్ కింద వాహ‌నాల‌ను అనుమ‌తించ‌రు. ల‌క్డీకాపూల్, మోహ‌దీప‌ట్నం నుంచి వ‌చ్చే వాహ‌నాల‌ను ఫ్లై ఓవ‌ర్ మీదుగానే అనుమ‌తిస్తారు.
• మెహిదీప‌ట్నం నుంచి బంజారాహిల్స్ రోడ్డు నంబ‌ర్ 1 వైపు వ‌చ్చే వాహ‌నాల‌ను మాస‌బ్ ట్యాంక్ మీదుగా అయోధ్య జంక్షన్, ఖైర‌తాబాద్, ఆర్టీఏ కార్యాల‌యం, ఖైర‌తాబాద్, తాజ్ కృష్ణా హాట‌ల్ మీదుగా వాహ‌నాల‌కు అనుమ‌తి ఇవ్వనున్నారు.
• ల‌క్డీకాపూల్ నుంచి మాస‌బ్ ట్యాంక్ మీదుగా రోడ్ నంబ‌ర్ 1, 12 వైపు వ‌చ్చే వాహ‌నాల‌ను అయోధ్య జంక్షన్, నిరంకారి భ‌వ‌న్, ఖైర‌తాబాద్, వీవీ విగ్రహం, ఖైర‌తాబాద్ ఆర్టీఏ ఆఫీసు, తాజ్ కృష్ణా హోట‌ల్ మీదుగా అనుమ‌తించ‌నున్నారు. ప్రార్థన‌లు ముగిసే వ‌ర‌కు మాస‌బ్ ట్యాంక్ ఫ్లై ఓవ‌ర్ కింద‌కు వాహ‌నాల‌ను అనుమ‌తించ‌రు.
• బంజారాహిల్స్ రోడ్ నంబ‌ర్ 12 నుంచి మాస‌బ్ ట్యాంక్ వైపు వ‌చ్చే వాహ‌నాల‌ను తాజ్ కృష్ణా హోట‌ల్, ఆర్టీఏ కార్యాల‌యం మీదుగా అనుమ‌తించ‌నున్నారు.
• మదీనా, ముర్గీచౌక్‌, శాలిబండ నుంచి చార్మినార్‌ వచ్చే మార్గాలను మూసివేయనున్నారు. నయాపూల్‌ నుంచి చార్మినార్‌ వైపు వచ్చే వాహనాలను మదీనా జంక్షన్‌ నుంచి సిటీ కళాశాల వైపు దారి మళ్లిస్తారు. ఇక నాగులచింత, శాలిబండ నుంచి చార్మినార్‌ వచ్చే వాహనాలు.. హిమ్మత్‌పుర జంక్షన్‌ దగ్గర మళ్లించి హరిబౌలి, వోల్గా హోటల్‌ టీ జంక్షన్‌ వైపు వెళ్లాల్సి ఉంటుంది.
• అలీజా కోట్ల నుంచి చార్మినార్‌ వచ్చే వాహనాలు చౌక్‌ మైదాన్‌ మీదుగా హఫీజ్‌దంకా మసీదు, అర్మాన్‌ హోటల్‌ వైపు వెళ్లాలి. మూసాబౌలి నుంచి చార్మినార్‌ వైపు వచ్చే వాహనాల్ని మోతీ గల్లీ దగ్గర ఖిల్వత్‌ గ్రౌండ్‌, రాజేశ్‌ మెడికల్‌ హాల్‌, ఫతే దర్వాజా రోడ్డు వైపు మళ్లిస్తారు.
• ఎతేబార్‌ చౌక్‌ నుంచి గుల్జార్‌ హౌస్‌ వైపు వచ్చే వాహనాలు మీర్‌ఆలం మండి వైపు వెళ్లాలి. మిట్టీకా షేర్‌ నుంచి గుల్జార్‌ హౌస్‌ వైపు వాహనాలను అనుమతించరు. మిట్టీ కా షేర్‌ జంకషన్‌ నుంచి ఘాన్సీ బజార్‌ మీదుగా హైకోర్టు వైపు దారి మళ్లిస్తారు.
• డబీర్‌పురా వైపు నుంచి వచ్చే ట్రాఫిక్‌ను పాత సీపీ ఆఫీస్ మార్గం నుంచి మండీ మిర్లం మార్కెట్ వైపు మళ్లిస్తారు సికింద్రాబాద్‌ బాటా క్రాస్‌ రోడ్డు నుంచి సుభాష్‌ రోడ్డు వైపు వచ్చే వాహనాలను మహంకాళి పోలీస్‌స్టేషన్‌ వద్ద మళ్లించి.. లాలా బాబు ఆలయం వైపు అనుమతిస్తారు.