177 మంది ల్యాబ్‌ టెక్నీషియన్ల క్రమబద్ధీకరణ

వైద్యారోగ్య శాఖలో కాంట్రాక్టుపై పని చేస్తున్న మరో 177 మంది ల్యాబ్‌ టెక్నీషియన్లను ప్రభుత్వం క్రమబద్ధీకరించింది. నూతన సచివాలయం ప్రారంభోత్సవం సందర్భంగా రాష్ట్రంలోని 5,544 మంది కాంట్రాక్ట్‌ ఉద్యోగులను రెగ్యులరైజ్‌ చేస్తున్నట్టు సీఎం కేసీఆర్‌ ప్రకటించారు.

హైదరాబాద్‌, మే 3 (నమస్తే తెలంగాణ): వైద్యారోగ్య శాఖలో కాంట్రాక్టుపై పని చేస్తున్న మరో 177 మంది ల్యాబ్‌ టెక్నీషియన్లను ప్రభుత్వం క్రమబద్ధీకరించింది. నూతన సచివాలయం ప్రారంభోత్సవం సందర్భంగా రాష్ట్రంలోని 5,544 మంది కాంట్రాక్ట్‌ ఉద్యోగులను రెగ్యులరైజ్‌ చేస్తున్నట్టు సీఎం కేసీఆర్‌ ప్రకటించారు. ఆ మేరకు మంగళవారం విద్యాశాఖలో 3,897 మందిని రెగ్యులరైజ్‌ చేస్తూ ఉత్తర్వులు ఇచ్చారు.

దాని కొనసాగింపుగా బుధవారం వైద్యారోగ్య శాఖలోని డీపీహెచ్‌ పరిధిలో ఉన్న 177 మంది ల్యాబ్‌ టెక్నీషియన్ల ఉద్యోగాలను గ్రేడ్‌-2 ల్యాబ్‌ టెక్నీషియన్లుగా పర్మనెంట్‌ చేస్తూ హెల్త్‌ సెక్రటరీ ఉత్తర్వులు జారీ చేశారు. ఈ సందర్భంగా వారు సీఎం కేసీఆర్‌కు, వైద్యారోగ్య శాఖ మంత్రి హరీశ్‌రావుకు ప్రత్యేక ధన్యవాదాలు తెలిపారు.