హైదరాబాద్లో దశాబ్దంలోనే డిసెంబర్ నెలలో అత్యంత చలిరోజుగా శనివారం రికార్డయింది. సెంట్రల్ యూనివర్సిటీలో ఉదయం వేళ అత్యల్పంగా 8.2 డిగ్రీలు, పటాన్చెరులో 8.4, రాజేంద్రనగర్లో 9.1 డిగ్రీల కనిష్ఠ ఉష్ణోగ్రతలు నమోదయ్యాయి. గతంలో 2015 డిసెంబర్ 13న హైదరాబాద్లో అతితక్కువగా 9.5 డిగ్రీల ఉష్ణోగ్రత రికార్డయింది. వచ్చే మూడు రోజుల్లో సాధారణ ఉష్ణోగ్రత కంటే 2 నుంచి 4 డిగ్రీలు తక్కువగా నమోదవుతుందని వాతావరణశాఖ అధికారులు తెలిపారు. హైదరాబాద్లో 21 వరకు ఎల్లో అలర్ట్ జారీ చేశారు. శుక్రవారం రాత్రి సంగారెడ్డి జిల్లా కోహిర్లో అత్యల్పంగా 6.5 డిగ్రీలు, మొయినాబాద్ మండలం రెడ్డిపల్లెలో 7.1 డిగ్రీలు, జహీరాబాద్ మండలం సత్వార్ గ్రామంలో 7.3 డిగ్రీల ఉష్ణోగ్రత రికార్డయినట్టు పేర్కొన్నారు. -హైదరాబాద్, నమస్తే తెలంగాణ