ఇంజినీరింగ్‌ కాలేజీలకు మూడేండ్లకోసారి అనుమతులు

ఇంజినీరింగ్‌ కాలేజీలకు ఇక నుంచి మూడేండ్లకొకసా రి అనుమతులు ఇవ్వనున్నారు. 2024, 27 విద్యాసంవత్సరానికి అనుమతులిచ్చేందుకు అఖిల భారత సాంకేతిక విద్యామండలి (ఏఐసీటీఈ) బుధవారం డ్రాఫ్ట్‌ అప్రూవల్‌ ప్రాసెస్‌ హ్యాండ్‌బుక్‌ విడుదల చేసింది.

• ఏఐసీటీఈ పరిధిలోకి బీబీఏ, బీసీఏ కోర్సులు
• డ్రాఫ్ట్‌ అప్రూవల్‌ హ్యాండ్‌బుక్‌ విడుదల

హైదరాబాద్‌, నవంబర్‌ 8 (నమస్తే తెలంగాణ) : ఇంజినీరింగ్‌ కాలేజీలకు ఇక నుంచి మూడేండ్లకొకసా రి అనుమతులు ఇవ్వనున్నారు. 2024, 27 విద్యాసంవత్సరానికి అనుమతులిచ్చేందుకు అఖిల భారత సాంకేతిక విద్యామండలి (ఏఐసీటీఈ) బుధవారం డ్రాఫ్ట్‌ అప్రూవల్‌ ప్రాసెస్‌ హ్యాండ్‌బుక్‌ విడుదల చేసింది. దీనిప్రకారం.. బీబీఏ, బీసీఏ కోర్సులను ఏఐసీటీఈ పరిధిలోకి తీసుకొచ్చారు. ఈ రెండు కోర్సులు నిర్వహించే కాలేజీలు ఏఐసీటీఈ అనుమతి తీసుకోవాల్సి ఉంటుంది. రాష్ట్రంలో ఆసిఫాబాద్‌, భూపాలపల్లి, భద్రాద్రి కొత్తగూడెం వంటి అస్పిరేషనల్‌ జిల్లాల్లో విద్యావకాశాల పెంపునకు ప్రయత్నించాలని ఏఐసీటీఈ సూచించింది. ఈ డ్రాఫ్ట్‌ మార్గదర్శకాలపై ఈ నెల 17లోపు సూచనలు సలహాలివ్వాలని తెలిపింది.

డ్రాఫ్ట్‌ మార్గదర్శకాలిలా..

• ఇంజినీరింగ్‌ సహా వృత్తివిద్యాకాలేజీలు కౌన్సెలింగ్‌ ఇచ్చేందుకు కౌన్సెలర్లను నియమించుకోవాలి. మానసిక కౌన్సెలింగ్‌ సేవలను అందించాలి.
• ఇప్పటికే నడుస్తున్న విద్యాసంస్థలు ఏఐసీటీఈ అనుమతి లేకుండానే అప్లయిడ్‌ ఆర్ట్స్‌ అండ్‌ క్రా ప్ట్స్‌, వొకేషనల్‌ కోర్సులు నిర్వహించుకోవచ్చు.
• బీటెక్‌, డిప్లొమా కోర్సులను తెలుగు సహా ప్రాం తీయ భాషల్లో నిర్వహించుకోవచ్చు. ఇక నుంచి ఏ సబ్జెక్టునైనా మైనర్‌గా బోధించవచ్చు.
• ఐదేండ్ల ఇంటిగ్రేటెడ్‌, ట్విన్నింగ్‌, జాయింట్‌ డిగ్రీ, డ్యూయల్‌ డిగ్రీలను నిర్వహించుకోవచ్చు.