నిప్పుల కొలిమిలా రాష్ట్రం

వేసవి ఎండలు ముదరటంతో రాష్ట్రం నిప్పుల కొలిమిని తలపిస్తున్నది. మంగళవారం 25 జిల్లాల్లో పగటి ఉష్ణోగ్రతలు 43 సెల్సియస్‌ డిగ్రీలకుపైగా నమోదయ్యాయి. అత్యధికంగా నిజామాబాద్‌ జిల్లా రెంజల్‌, ఆదిలాబాద్‌ జిల్లా బేలలో 44.2 డిగ్రీలు నమోదైనట్టు టీఎస్‌డీపీఎస్‌ వెల్లడించింది.

• మరో 3 డిగ్రీలు పెరగనున్న ఉష్ణోగ్రతలు

హైదరాబాద్‌, మే 3 (నమస్తే తెలంగాణ): వేసవి ఎండలు ముదరటంతో రాష్ట్రం నిప్పుల కొలిమిని తలపిస్తున్నది. మంగళవారం 25 జిల్లాల్లో పగటి ఉష్ణోగ్రతలు 43 సెల్సియస్‌ డిగ్రీలకుపైగా నమోదయ్యాయి. అత్యధికంగా నిజామాబాద్‌ జిల్లా రెంజల్‌, ఆదిలాబాద్‌ జిల్లా బేలలో 44.2 డిగ్రీలు నమోదైనట్టు టీఎస్‌డీపీఎస్‌ వెల్లడించింది.

రాగల 4 రోజుల్లో ఉష్ణోగ్రతలు మరింత పెరిగే అవకాశం ఉన్నదని, ప్రత్యేకించి ఈ నెల 6, 7న ఉష్ణోగ్రతలు మరో 3 డిగ్రీలు పెరగవచ్చని హైదరాబాద్‌ వాతావరణ కేంద్రం అంచనా వేసింది. ఇదే సమయంలో గంటకు 40 కి.మీ. వేగంతో పలు ప్రాంతాల్లో ఈదురు గాలులు వీస్తాయని, కొన్ని జిల్లాల్లో ఉరుములు, మెరుపులతో కూడిన వర్షాలు కురిసే అవకాశం ఉన్నదని పేర్కొన్నది.