జీడీపీని మించి తెలంగాణ వృద్ధి.. జాతీయ సగటు కంటే ఎక్కువగా జీఎస్డీపీ
రాష్ట్రంలోని షెడ్యూల్ బ్యాంకుల్లో డిపాజిట్ల విలువ ఎంతో తెలుసా? ఏకంగా రూ.6,40,556 కోట్లు!
- మౌలిక సదుపాయాల్లో అగ్రగామిగా నిలిచిన రాష్ట్రం
- ఎగుమతుల్లో వృద్ధిరేటు పరుగులు.. ఈవీల జోరు
- రాష్ట్రంలో స్త్రీ, పురుష నిష్పత్తి దాదాపు సమానం
- ఉపాధి కల్పనకు పెద్దదిక్కుగా వ్యవసాయం
రాష్ట్రంలోని షెడ్యూల్ బ్యాంకుల్లో డిపాజిట్ల విలువ ఎంతో తెలుసా? ఏకంగా రూ.6,40,556 కోట్లు! ఇందులో దాదాపు సగం డిపాజిట్లు రూ.3.70 లక్షల కోట్ల మేర ఒక్క హైదరాబాద్ జిల్లాలోనే ఉన్నాయి. రాష్ట్ర గణాంక శాఖ బుధవారం విడుదల చేసిన తెలంగాణ స్టేట్ స్టాటిస్టికల్ ఆబ్స్ట్రాక్ట్ నివేదిక ఇదే విషయాన్ని వెల్లడించింది. జీఎస్డీపీలోనూ, తలసరి ఆదాయంలోనూ జాతీయ సగటును మించి తెలంగాణ వృద్ధిరేటును నమోదు చేసిందని స్పష్టంచేసింది.
హైదరాబాద్, జనవరి 25 (నమస్తే తెలంగాణ): తెలంగాణ ఏర్పడినప్పటి నుంచి ఇప్పటివరకు జీఎస్డీపీ వృద్ధిరేటు, తలసరి ఆదాయ వృద్ధిరేటు రాకెట్ వేగంతో దూసుకెళ్లినట్టు రాష్ట్ర గణాంక శాఖ బుధవారం విడుదల చేసిన తెలంగాణ స్టేట్ స్టాటిస్టికల్ ఆబ్స్ట్రాక్ట్ నివేదిక స్పష్టం చేసింది. 2014-15లో రూ.5.05 లక్షల కోట్లుగా ఉన్న జీఎస్డీపీ 2021-22 నాటికి రూ.11.48 లక్షల కోట్లకు పెరిగిందని పేర్కొన్నది. 2012-13లో దేశ జీడీపీలో తెలంగాణ వాటా 4 శాతంగా ఉండగా, 2021-22 నాటికి 4.9 శాతానికి పెరిగిందని వెల్లడించింది. దశాబ్ద కాలంలో జీడీపీ/జీఎస్డీపీ వృద్ధిరేటులో తెలంగాణ జాతీయ సగటును మించింది.
2012-13 నుంచి 2021-22 మధ్య తెలంగాణ జీఎస్డీపీ సగటు వృద్ధిరేటు 12.4 శాతం నమోదు కాగా జాతీయ వృద్ధిరేటు 10.6 శాతానికే పరిమితం అయ్యింది. పదేండ్ల కిందట తెలంగాణ ప్రాంత తలసరి ఆదాయం రూ.లక్ష ఉండగా, 175 శాతం వృద్ధిరేటు సాధించి రూ.2.75 లక్షలకు చేరిందనిజీడీపీని మించి తెలంగాణ వృద్ధి నివేదిక వెల్లడించింది. జాతీయ తలసరి ఆదాయం మాత్రం రూ.1.50 లక్షలకు పరిమితం అయ్యింది.

- తలసరి ఆదాయం ఐదేండ్ల సగటు వృద్ధిలో (2016-17 నుంచి 2020-21 వరకు) తెలంగాణ దేశంలోనే రెండో స్థానంలో నిలిచింది. సగటున 10.57 శాతం వృద్ధిరేటు నమోదు చేసింది. మధ్యప్రదేశ్ మొదటి స్థానంలో ఉన్నది.
- రాష్ట్రంలో ఉపాధి కల్పనకు వ్యవసాయ, అనుబంధ రంగాలే పెద్ద దిక్కు అని నివేదిక స్పష్టం చేసింది. రాష్ట్రంలో అన్ని రంగాల్లో కలిపి తెలంగాణలో మొత్తం 1.5 కోట్ల మంది ఉపాధి పొందుతున్నట్టు నివేదిక తెలిపింది. ఇందులో 46 శాతం మంది వ్యవసాయ రంగంలో ఉపాధి పొందుతున్నారు. జీఎస్డీపీలో వ్యవసాయ రంగం వాటా 21 శాతమే అయినా, రెట్టింపు సంఖ్యలో ఉపాధి కల్పిస్తున్నది.
- 2015-16తో పోల్చితే తెలంగాణ నుంచి ఎగుమతులు (గూడ్స్, సర్వీసెస్ కలిపి) రెండున్నర రెట్ల వృద్ధి సాధించినట్టు నివేదిక స్పష్టం చేసింది. 2015-16లో రూ.1.10 లక్షల కోట్లుగా ఉన్న ఎగుమతులు 2021-22 నాటికి రూ. 2.65 లక్షల కోట్ల కు పెరిగినట్టు తెలిపింది.
- కరోనాలోనూ (2019-20, 2020-21) రాష్ట్రం నుంచి వస్తు ఎగుమతులు పాజిటివ్ వృద్ధిరేటు నమోదు చేయగా, జాతీయ వృద్ధిరేటు మాత్రం రుణాత్మక వృద్ధి నమోదు చేసినట్టు వెల్లడించింది.
- రాష్ట్రంలో విద్యుత్తు వాహనాల కొనుగోళ్లు భారీగా పెరుగుతున్నట్టు నివేదిక వెల్లడించింది. 2019-20 నాటికి కేవలం 3,375 ఈవీలు మాత్రమే ఉండగా ఒక్క ఏడాదిలోనే కొనుగోళ్లు దాదాపు మూడురెట్లు పెరిగాయి. 2021-22లో ఏకంగా మరో మూడురెట్ల అధిక కొనుగోళ్లు నమోదవడం విశేషం.


Read Today's Latest Telangana News in Telugu and Telugu News
RELATED ARTICLES
తాజా వార్తలు
Brs Party | ఖైరతాబాద్లో బీఆర్ఎస్లో చేరిన కాంగ్రెస్ నేతలు.. వీడియో
Sun Group | అనిరుధ్, కావ్య మారన్ వివాహ వేడుక.. ఉద్యోగులకు బంగారం కానుకగా ఇచ్చిన సన్ గ్రూప్!
‘కృష్ణా జలాల అక్రమ తరలింపును తక్షణమే ఆపాలి’
KTR | కేటీఆర్ చేతుల మీదుగా ‘ఏఐ కెన్ రైట్ ద కోడ్’ పుస్తకావిష్కరణ.. యువ ఇంజినీర్లకు నూతన దిశానిర్దేశం!
Thalasani Srinivas Yadav | బీఆర్ఎస్ హయాంలోనే మత్స్యరంగం అభివృద్ధి : మాజీమంత్రి తలసాని శ్రీనివాస్ యాదవ్
ట్రెండింగ్ వార్తలు
Vande Bharat Train | బంధువులను సాగనంపేందుకు వందే భారత్ రైలు ఎక్కిన 12 మంది.. తర్వాత ఏం జరిగిందంటే?
Watch: హాస్పిటల్ యజమానిని బెదిరించి రూ.10 లక్షలు వసూలు.. కాంగ్రెస్ నేత అరెస్ట్, పార్టీ నుంచి బహిష్కరణ
Watch: ‘బ్యాగ్లో గంజాయి పెడతా.. డ్రగ్స్ కేసులో ఇరికిస్తా’.. జంటను బెదిరించిన పోలీస్ అధికారి
Migratory birds | చిలికా సరస్సుకు ప్రత్యేక అతిథులు.. ఏకంగా 80 జాతుల వలసపక్షుల సందడి.. Video
China flies electric plane | 19 సీట్ల ఎలక్ట్రిక్ విమానం.. విజయవంతంగా నడిపి పరీక్షించిన చైనా

