కరువు కోరల్లో తెలంగాణ.. సందస్సుల జాతరలో సర్కార్!
రాష్ట్రంలో కరువు విలయతాండవం చేస్తుంటే.. కాంగ్రెస్ ప్రభుత్వం మాత్రం సదస్సుల పేరిట కోట్లాది ప్రజాధనాన్ని మంచినీళ్లలా ఖర్చు చేస్తున్నది. 31 జిల్లాల్లోని 365 మండలాల్లో కరువు పరిస్థితులు నెలకొన్నాయని అధికారిక గణాంకాలే చెబుతున్నాయి. ఇందులో 111 మండలాల్లో తీవ్ర కరువు, 254 మండలాల్లో మధ్యస్థ కరువు ఉన్నది. చేతికొచ్చిన పంటలు కండ్లముందే ఎండిపోతుండటంతో అన్నదాతలు తీవ్ర ఆవేదన చెందుతున్నారు.
- నేటి నుంచి 85వ ఇండియన్ రోడ్స్ కాంగ్రెస్ సదస్సు
- సదస్సుల పేరిట కోటాద్లి ప్రజాధనం వృథా
- 3,500 మంది అతిథులకు హైటెక్స్లో రాజభోగాలు!
- ఇంజినీర్ల మేధస్సుతో రోడ్లకు నిధులు వస్తాయా?
- సదస్సులతో సామాన్యులకు ఒరిగేదేమిటని మేధావుల ప్రశ్న
హైదరాబాద్, నవంబర్ 18(నమస్తే తెలంగాణ): రాష్ట్రంలో కరువు విలయతాండవం చేస్తుంటే.. కాంగ్రెస్ ప్రభుత్వం మాత్రం సదస్సుల పేరిట కోట్లాది ప్రజాధనాన్ని మంచినీళ్లలా ఖర్చు చేస్తున్నది. 31 జిల్లాల్లోని 365 మండలాల్లో కరువు పరిస్థితులు నెలకొన్నాయని అధికారిక గణాంకాలే చెబుతున్నాయి. ఇందులో 111 మండలాల్లో తీవ్ర కరువు, 254 మండలాల్లో మధ్యస్థ కరువు ఉన్నది. చేతికొచ్చిన పంటలు కండ్లముందే ఎండిపోతుండటంతో అన్నదాతలు తీవ్ర ఆవేదన చెందుతున్నారు. ప్రధాన, మధ్యతరహా జలాశయాలు అడుగంటాయి. పల్లెలతోపాటు హైదరాబాద్ నగరంలోనూ తాగునీటి కోసం జనం అల్లాడుతున్నారు. ఇలాంటి విపతర పరిస్థితుల్లో నేటి నుంచి అదివారంవరకు నాలుగు రోజులపాటు హైదరాబాద్లోని హైటెక్స్ వేదికగా 85వ ఇండియన్ రోడ్స్ కాంగ్రెస్ (ఐఆర్సీ) సదస్సును అత్యంత విలాసవంతంగా నిర్వహిస్తుండటంపై సర్వత్రా ఆగ్రహం వ్యక్తమవుతున్నది.
ఖజానా ఖాళీ అంటూనే.. వీఐపీలకు విందులా?
కరువు సహాయక చర్యలకు, రైతులకు ఇన్పుట్ సబ్సిడీ ఇచ్చేందుకు ఖజానాలో నిధులు లేవని ప్రభుత్వం చేతులెత్తేసింది. ఎన్డీఆర్ఎఫ్ కింద కేంద్ర సాయం కోసం ఎదురుచూస్తున్నది. కానీ సదస్సుల నిర్వహణకు మాత్రం నిధుల కొరత లేనట్టుగా వ్యవహరిస్తున్నది. దేశ, విదేశాల నుంచి వస్తున్న 3,500 మందికి పైగా అతిథులకు స్టార్ హోటళ్లలో బస, ప్రత్యేక రవాణా, విందులు, సాంస్కృతిక కార్యక్రమాల కోసం కోట్లాది రూపాయలు ఖర్చు చేస్తుండటంపై తీవ్ర విమర్శలు వెల్లువెత్తుతున్నాయి. నాలుగు రోజులపాటు కొనసాగనున్న ఈ సదస్సుకు రూ. 25 కోట్లు ఖర్చు చేయనున్నట్టు విమర్శలు వినిపిస్తున్నాయి. ఈ సదస్సులో 3,500 మంది ఇంజినీర్లు, శాస్త్రవేత్తలు, నిపుణులు పాల్గొంటున్నారు. వీరంతా కలిసి ఆర్టిఫీషియల్ ఇంటెలిజెన్స్(ఏఐ), గ్రీన్ ఇన్ఫ్రాస్ట్రక్చర్ గురించి చర్చించినంత మాత్రాన రోడ్ల నిర్మాణానికి నిధులు సమకూరవని విశ్లేషకులు అంటున్నారు. ఇంజినీర్ల మేధస్సు, 400 ఎగ్జిబిషన్ స్టాళ్ల ప్రదర్శనలు కేవలం కాగితాలకే పరిమితమవుతాయి. వాటివల్ల రాష్ట్ర ఖజానాకు ఒక రూపాయి కూడా ఆదాయం రాదని మేధావులు స్పష్టం చేస్తున్నారు.
అతిథుల సేవలోనే మొత్తం యంత్రాంగం
365 కరువు ప్రభావిత మండలాల్లో ఉపాధి హామీ పనులు, పశుగ్రాసం, తాగునీటి సరఫరాను పర్యవేక్షించాల్సిన అధికారులు హైదరాబాద్ లోనే మకాం వేశారు. రైతు రుణాల రీషెడ్యూల్ వంటి అత్యవసర పనులను గాలికొదిలి, అతిథులకు స్వాగత బ్యానర్లు కట్టడంలో తలమునకలయ్యారు. ప్రజలే ప్రథమం అనే నినాదాన్ని పకనపెట్టి, వీఐపీలే ప్రథమం అన్నట్టుగా సరార్ తీరు ఉన్నదని రైతు సంఘాలు మండిపడుతున్నాయి. నాలుగు రోజులపాటు జరిగే 19 సాంకేతిక సదస్సులు, రీజినల్ రింగ్ రోడ్(ఆర్ఆర్ఆర్), రైట్ టు వాక్ ప్రచార ఆర్భాటాల వల్ల సామాన్యుడికి ఒరిగేది ఏమీ లేదని పౌర సంఘాలు అంటున్నాయి.
మొన్నటికి మొన్న భారత్ సమ్మిట్ సన్నాహక సమావేశాల పేరిట భారీ ఖర్చు చేసి వివాదాలు కొనితెచ్చుకున్న ప్రభుత్వం, ఇప్పుడు మళ్లీ ఐఆర్సీ సదస్సు పేరిట ప్రజాధనాన్ని దుబారా చేస్తున్నది. తక్షణమే నిధులు వెచ్చించే ఈ ఆడంబర సదస్సులకు స్వస్తి పలకాలని ప్రజలు కోరుతున్నారు. రాష్ట్రం తీవ్ర కరువు, ఆర్థిక సంక్షోభంలో కొట్టుమిట్టాడుతున్న ప్రస్తుత తరుణంలో ఇలాంటి ఖరీదైన సదస్సులు అవసరం లేదని మేధావులు అభిప్రాయపడుతున్నారు. సదస్సుల నిర్వహణకు వెచ్చిస్తున్న కోట్లాది రూపాయలను తక్షణమే కరువు సహాయక చర్యలకు మళ్లించాలని, అన్నదాతలకు పంట నష్టపరిహారం అందించడంతోపాటు, పాత రోడ్ల మరమ్మతులకు నిధులు విడుదల చేయాలని డిమాండ్ చేస్తున్నారు.
Read Today's Latest Telangana News in Telugu and Telugu News
RELATED ARTICLES
తాజా వార్తలు
ట్రెండింగ్ వార్తలు
Vande Bharat Train | బంధువులను సాగనంపేందుకు వందే భారత్ రైలు ఎక్కిన 12 మంది.. తర్వాత ఏం జరిగిందంటే?
Watch: హాస్పిటల్ యజమానిని బెదిరించి రూ.10 లక్షలు వసూలు.. కాంగ్రెస్ నేత అరెస్ట్, పార్టీ నుంచి బహిష్కరణ
Watch: ‘బ్యాగ్లో గంజాయి పెడతా.. డ్రగ్స్ కేసులో ఇరికిస్తా’.. జంటను బెదిరించిన పోలీస్ అధికారి
Migratory birds | చిలికా సరస్సుకు ప్రత్యేక అతిథులు.. ఏకంగా 80 జాతుల వలసపక్షుల సందడి.. Video
China flies electric plane | 19 సీట్ల ఎలక్ట్రిక్ విమానం.. విజయవంతంగా నడిపి పరీక్షించిన చైనా

