నేటి నుంచి రోడ్‌ సేఫ్టీ పన్ను

రాష్ట్రంలో నేటి(ఆదివారం) నుంచి కొత్త వాహనాలు కొనుగోలు చేసేవారి నుంచి ప్రభుత్వం రోడ్‌ సేఫ్టీ పన్ను వసూలు చేయనున్నది. వాహనం కొనుగోలు చేయాలనుకునేవారు తమ వాహన శ్రేణిని బట్టి.. రూ.2 వేల నుంచి రూ.10వేల వరకు రవాణాశాఖకు చెల్లించాల్సి ఉంటుంది.

హైదరాబాద్‌, ఫిబ్రవరి 28 (నమస్తే తెలంగాణ): రాష్ట్రంలో నేటి(ఆదివారం) నుంచి కొత్త వాహనాలు కొనుగోలు చేసేవారి నుంచి ప్రభుత్వం రోడ్‌ సేఫ్టీ పన్ను వసూలు చేయనున్నది. వాహనం కొనుగోలు చేయాలనుకునేవారు తమ వాహన శ్రేణిని బట్టి.. రూ.2 వేల నుంచి రూ.10వేల వరకు రవాణాశాఖకు చెల్లించాల్సి ఉంటుంది.

ఈ మేరకు గత బుధవారం ప్రభుత్వం ఉత్తర్వులు జారీ చేసింది. రాష్ట్రంలో ఒక్క ఏడాదిలో కొత్తగా సుమారు 7 లక్షల వరకు ద్విచక్ర వాహనాలు, 2.57 లక్షల వరకు ఫోర్‌వీలర్స్‌, లక్ష వ రకు లైట్‌, హెవీ వెహికిల్స్‌ను కొనుగోలు చేస్తున్నారు. ఈక్రమంలో రవాణాశాఖకు భారీ మొత్తంలో ఆదాయం సమకూరనున్నది. ఈ క్రమంలో సుప్రీంకోర్టు గైడ్‌లైన్స్‌ ప్రకారం రోడ్‌ సేఫ్టీ పన్ను వసూలు చేస్తున్నట్టు ఆర్టీఏ అధికారులు తెలిపారు.