మిశ్రమ పంటల సాగులో వెనుకంజ

మిశ్రమ (అంతర) పంటల సాగులో తెలంగాణ రాష్ట్రం వెనుకంజలో ఉందని కేంద్ర వ్యవసాయ, రైతు సంక్షేమశాఖ అధ్యయనం వెల్లడించింది. 2023-24 ఏడాది అధ్యయన రిపోర్ట్‌ ఆ శాఖ తాజాగా విడుదల చేసింది.

• అంతర పంటల సాగులో 12వ స్థానంలో రాష్ట్రం
• తెలంగాణ రాష్ట్రంలో వరిపైనే గురి
• కేంద్ర, వ్యవసాయ-రైతు సంక్షేమశాఖ అధ్యయనం వెల్లడి

హైదరాబాద్‌, మే 1 (నమస్తేతెలంగాణ) : మిశ్రమ (అంతర) పంటల సాగులో తెలంగాణ రాష్ట్రం వెనుకంజలో ఉందని కేంద్ర వ్యవసాయ, రైతు సంక్షేమశాఖ అధ్యయనం వెల్లడించింది. 2023-24 ఏడాది అధ్యయన రిపోర్ట్‌ ఆ శాఖ తాజాగా విడుదల చేసింది. వరి పంట సాగు, ఉత్పత్తిలో తెలంగాణ రాష్ట్రం దేశంలోనే అగ్రస్థానంలో ఉన్నప్పటికీ, మిశ్రమ పంటల సాగులో పురోగమించడం లేదని గుర్తించింది.

రైతులు ప్రధాన పంటలు పండించేందుకే ఎకువ ఆసక్తి కనబరుస్తున్నట్టు పేరొంది. అంతర పంటలపై అంతగా ఆసక్తి లేకపోవడం, ప్రభుత్వపరంగా ఆశించిన స్థాయిలో ప్రోత్సాహం లేకపోవడం తదితర అంశాలు కారణాలుగా తెలిపింది. మిశ్రమ పంటల సాగులో తెలంగాణ రాష్ట్రం దేశంలోనే 12వ స్థానంలో నిలిచింది.

నివేదికలోని ముఖ్యాంశాలివే..

• దేశంలో అంతర పంటల సాగులో బెంగాల్‌, పంజాబ్‌, గుజరాత్‌, హర్యానా, ఉత్తర్‌ప్రదేశ్‌, మధ్యప్రదేశ్‌, అస్సాం, ఏపీ, కర్ణాటక, ఛత్తీస్‌గఢ్‌, రాజస్థాన్‌ రాష్ట్రాల తర్వాత స్థానంలో తెలంగాణ నిలిచిందని నివేదిక పేరొన్నది.
• రాష్ట్రం మొత్తం విస్తీర్ణంలో అధిక శాతం వరి పంట సాగుచేస్తున్నారు. యాసంగి సీజన్‌ 79 లక్షల ఎకరాల భూమిలో పంటలు వేయగా.. 59.28 లక్షల ఎకరాల్లో వరి సాగైంది. వానకాలం సీజన్‌లో 1.29 కోట్ల ఎకరాలకుగానూ 66 లక్షల ఎకరాల్లో వరి సాగు చేయగా, తర్వాత 45 లక్షల ఎకరాల్లో పత్తి సాగవుతున్నది.
• పత్తి పంటలో మిశ్రమ పంటలు సాగుచేసే వీలున్నప్పటికీ రైతులు అంతగా ఆసక్తి చూపడం లేదు. మొకజొన్న, ఇతర పంటల్లో అంతర పంటలను సాగు చేయడం లేదు. వేరుశనగలో 10% మేర సాగు చేస్తున్నారు. ఆయిల్‌పామ్‌లో మిశ్రమ పంటలు 1.39 లక్షల ఎకరాల్లోనే సాగవుతున్నాయి.