Telangana Model Schools | ‘తెలంగాణ మోడల్‌ స్కూల్స్​‍ను స్కూల్‌ ఎడ్యుకేషన్‌లో విలీనం చేయాలి’

Telangana Model Schools | తెలంగాణ మోడల్‌ స్కూల్స్​‍ను స్కూల్‌ ఎడ్యుకేషన్‌లో విలీనం చేయాలని తెలంగాణ మోడల్‌ స్కూల్స్​‍ టీచర్స్​‍ నూతన సంఘం వ్యవస్థాపక అధ్యక్షుడు ఆర్‌.కిరణ్‌కుమార్‌ ప్రభుత్వాన్ని డిమాండ్‌ చేశారు.

Telangana Model Schools | హనుమకొండ చౌరస్తా, నవంబర్‌ 8: తెలంగాణ మోడల్‌ స్కూల్స్​‍ను స్కూల్‌ ఎడ్యుకేషన్‌లో విలీనం చేయాలని, 010 హెడ్‌ఆఫ్‌ అకౌంట్‌ ద్వారా ప్రభుత్వ ఉద్యోగుల మాదిరిగా వేతనాలు చెల్లించాలచబడే విధానాన్ని అమలు చేయాలని తెలంగాణ మోడల్‌ స్కూల్స్​‍ టీచర్స్​‍ నూతన సంఘం వ్యవస్థాపక అధ్యక్షుడు ఆర్‌.కిరణ్‌కుమార్‌ ప్రభుత్వాన్ని డిమాండ్‌ చేశారు. శనివారం హనుమకొండ ప్రెస్‌క్ల‌బ్‌లో జరిగిన సమావేశంలో ఆయన మాట్లాడారు.

తెలంగాణ విద్యావ్యవస్థకు మోడల్‌ స్కూల్స్​‍ ఆదర్శంగా నిలుస్తున్నప్పటికీ ఉపాధ్యాయుల సేవా నిబంధనలు ఇంకా అసమగ్రంగానే ఉన్నాయన్నారు. మోడల్‌ స్కూల్స్​‍ టీచర్లను సాధారణ పాఠశాల ఉపాధ్యాయయులతో సమానంగా గుర్తించి, మోడల్‌ స్కూల్స్​‍ సొసైటీని రద్దుచేసి స్కూల్‌ ఎడ్యుకేషన్‌ విభాగంలో విలీనం చేయాలన్నారు. మోడల్‌ స్కూల్‌ ప్రిన్సిపాల్స్​‍కు గెజిటెడ్‌ హోడా కల్పించాలని, అనంతరం పదోన్నతి అవకకాశం కలిపంచాలన్నారు. ఖాళీగా ఉన్న పోస్టుల్లో పీజీటీలకు ప్రిన్సిపాల్స్​‍గా, టీజీటీలకు పీజీటీలుగా వెంటనే ప్రమోషన్‌ కల్పించి, మిగిలిన ఖాళీలకు నూతన నోటిఫికేషన్‌ విడుదలచేసి నియామకం చేపట్టాలన్నారు.

ఈ సమావేశంలో జనరల్‌ సెక్రటరీ కట్కూరి మహేందర్‌, వైస్ ప్రెసిడెంట్‌ గోపగాని విక్రమ్‌, ట్రెజరర్‌ ఎడ్ల రమేశ్‌, ఎగ్జిక్యూటివ్‌ మెంబర్స్​‍ పి.శ్రీధర్‌రెడ్డి, భాషబోయిన గంగరాజు, అన్వర్‌పాషా, రామగిరి రాజు, బొందిలి కళ్యాణ్‌సింగ్‌, శశికుమారి, కంఠాత్మకూర్‌ రమేశ్‌, రేనుకుంట్ల శ్యాంకుమార్‌ పాల్గొన్నారు.