బీసీఏ, బీబీఏ కాలేజీల్లో మనది ఆరోస్థానం
బీసీఏ, బీబీఏ, బీఎంఎస్ కాలేజీలు ఉన్న రాష్ర్టాల్లో తెలంగాణ ముందువరుసలో ఉన్నది. 158 కాలేజీలతో దేశంలోనే మన రాష్ట్రం ఆరోస్థానంలో నిలిచింది. విస్తీర్ణం, జనాభాపరంగా మనకన్నా పెద్దవైన ఉత్తరప్రదేశ్, మధ్యప్రదేశ్, తమిళనాడు, పశ్చిమబెంగాల్, గుజరాత్ వంటి రాష్ర్టాల కంటే మన రాష్ట్రంలోనే ఈ కాలేజీలు అధికంగా ఉండటం విశేషం.
- 158 కాలేజీలతో దేశంలోనే తెలంగాణ టాప్-6
- మొత్తం 3,271.. 694 కాలేజీలతో కర్ణాటక టాప్
- తొలిసారిగా అనుమతులు జారీచేసిన ఏఐసీటీఈ
హైదరాబాద్, ఏప్రిల్ 11 (నమస్తే తెలంగాణ): బీసీఏ, బీబీఏ, బీఎంఎస్ కాలేజీలు ఉన్న రాష్ర్టాల్లో తెలంగాణ ముందువరుసలో ఉన్నది. 158 కాలేజీలతో దేశంలోనే మన రాష్ట్రం ఆరోస్థానంలో నిలిచింది. విస్తీర్ణం, జనాభాపరంగా మనకన్నా పెద్దవైన ఉత్తరప్రదేశ్, మధ్యప్రదేశ్, తమిళనాడు, పశ్చిమబెంగాల్, గుజరాత్ వంటి రాష్ర్టాల కంటే మన రాష్ట్రంలోనే ఈ కాలేజీలు అధికంగా ఉండటం విశేషం. బ్యాచిలర్ ఆఫ్ కంప్యూటర్ అప్లికేషన్స్ (బీసీఏ), బ్యాచిలర్ ఆఫ్ బిజినెస్ అడ్మినిస్ట్రేషన్ (బీబీఏ), బ్యాచిలర్ ఆఫ్ మేనేజ్మెంట్ స్టడీస్ (బీఎంఎస్) కోర్సుల నిర్వహణకు 2024-25 విద్యా సంవత్సరంలో జాతీయంగా 3,271 కాలేజీలకు అఖిల భారత సాంకేతిక విద్యామండలి (ఏఐసీటీఈ) ఇటీవలే అనుమతులు మంజూరు చేసింది. ఇది వరకు ఆయా రాష్ర్టాల్లోని వర్సిటీలే పైకోర్సులకు అనుమతులు ఇచ్చేది. తొలిసారిగా ఈ అనుమతులు ఏఐసీటీఈ గొడుగు కిందికి చేరాయి.
- అత్యధికంగా 694 కాలేజీలతో కర్ణాటక మొదటిస్థానంలో నిలిచింది. ఆ తర్వాత మహారాష్ట్రలో(467), కేరళ (309) కాలేజీలతో అగ్రస్థానంలో ఉన్నాయి.
- 183 కాలేజీలతో మధ్యప్రదేశ్ నాలుగోస్థానం, 159 కాలేజీలతో పంజాబ్ ఐదోస్థానంలో నిలిచాయి.
- 158 కాలేజీలతో తెలంగాణ ఆరోస్థానం, 153 కాలేజీలతో గుజరాత్ ఏడో స్థానంలో ఉన్నాయి.
- 153 కాలేజీలతో బీహార్, హరియాణా, 152 కాలేజీలతో ఉత్తరప్రదేశ్, 114 కాలేజీలతో తమిళనాడు టాప్-10 రాష్ర్టాల జాబితాలో నిలిచాయి.
- దేశంలో పైపది రాష్ర్టాల్లోనే 100కు పైగా కాలేజీలు ఉండగా, మిగతా రాష్ర్టాల్లో 100లోపు కాలేజీలు మాత్రమే ఉన్నాయి.
వారంరోజుల్లో ఏకీకృత కరికులం
బీసీఏ, బీబీఏ, బీహెచ్ఎం కోర్సులకు జాతీయంగా అనుమతులు ఇస్తుండటంతో ఏఐసీటీఈ ఏకీకృత కరికులాన్ని రూపొందించింది. బీటెక్ తరహాలో వివిధ సంస్థలు, పరిశ్రమల నిపుణులను సంప్రదించి, మాడల్ పాఠ్యాంశాలను రూపొందించారు. వారంరోజుల్లోగా ఈ కరిక్యులాన్ని విడుదల చేస్తారు. అందరి నుంచి సూచనలు, సలహాలు స్వీకరిస్తారు. ఆ తర్వాత అవసరమైన మార్పులు చేస్తారు. దీంతోపాటు ఈ కోర్సులు బోధించే లెక్చరర్లు, ఆచార్యులకు శిక్షణ ఇచ్చేందుకు ఏఐసీటీఈ సన్నాహాలు చేస్తున్నది. కొత్తగా విడుదల చేయనున్న కామన్ కరికులంపై వారికి శిక్షణ ఇస్తారు. ఈ కోర్సులను ఏఐసీటీఈ పరిధిలోకి తీసుకురావడంతో బీసీఏ ఉత్తీర్ణులైన వారికి ఎంసీఏ, బీబీఏ వారికి ఎంబీఏ ఇంటిగ్రేటెడ్ ప్రోగ్రామలను ప్రారంభించేందుకు అవకాశం ఉంటుంది. దీంతో విద్యార్థులు మన దగ్గర నిర్వహించే ఐసెట్ వంటి ప్రవేశపరీక్షలతో నిమిత్తం లేకుండా నేరుగా ఈ కోర్సుల్లో చేరే వెసులుబాటు దక్కుతుంది.
Read Today's Latest Telangana News in Telugu and Telugu News
- Tags
- AICTE
- BBA
- BCA
- BMS Colleges
RELATED ARTICLES
తాజా వార్తలు
KTR | కేంద్ర ప్రభుత్వం సహకారంతో ఏపీ ప్రభుత్వం జలదోపిడీ చేస్తుంది : కేటీఆర్
Suspended | అడ్డగూడూర్ బాలికల గురుకుల స్కూల్ ప్రిన్సిపాల్ ఝాన్సీ రాణి సస్పెండ్
Superstar Rajinikanth | గ్రీస్లో రజనీకాంత్ కుటుంబం సందడి.. మనవళ్లతో కలిసి ఎంజాయ్ చేస్తున్న సూపర్ స్టార్!
KTR | సమైక్య పాలనలో కన్నా రేవంత్ రెడ్డి చేస్తున్న ద్రోహం అతి పెద్దది : కేటీఆర్
Mouni Roy | బ్లాక్ డ్రెస్లో మౌనీ రాయ్ గ్లామర్ షో.. చూపు తిప్పుకోలేరు!
ట్రెండింగ్ వార్తలు
China flies electric plane | 19 సీట్ల ఎలక్ట్రిక్ విమానం.. విజయవంతంగా నడిపి పరీక్షించిన చైనా
Watch: వేగంగా వస్తున్న కారు నుంచి తప్పించుకునేందుకు మహిళ యత్నం.. ఆ తర్వాత ఏం జరిగిందంటే?
Odisha teacher 14 days in ditch | కొండచరియలు విరుగడంతో గుంతలో చిక్కుకున్న టీచర్.. 14 రోజుల తర్వాత గుర్తించిన కాపరి
Watch: బైకులతో సింహాన్ని అడ్డుకున్న అటవీ శాఖ సిబ్బంది.. తర్వాత ఏం జరిగిందంటే?
Snowfall | ద్రాస్ సెక్టార్లో మంచు అందాల కనువిందు.. Video

