తమిళనాడు అసెంబ్లీ ఎన్నికల ప్రచారంలో బిజీగా ఉన్న కమల్హాసన్ గాయపడ్డాడు. కోయంబత్తూర్లో స్థానికులతో మాట్లాడుతుండగా అభిమానులు ఒక్కసారిగా ఆయనవైపు దూసుకొచ్చారు. ఈ క్రమంలో ఓ అభిమాని కమల్ కాలిని తొక్కడంతో ఆయన అక్కడికక్కడే కుప్పకూలాడు.
సినీ నటుడు లోకనాయకుడు కమల్ హాసన్ ప్రస్తుతం రాజకీయాలతో బిజీగా ఉన్నాడు. తమిళనాట ఎన్నికలు సమీపిస్తుండటంతో ప్రచారంతో బిజీ అయిపోయాడు కమల్. ఈ క్రమంలోనే ఆయన కోయంబత్తూర్ వెళ్లాడు. అక్కడ ప్రజలతో మమేకమైపోయాడు. ఎన్నికల సమయం వరకు తమిళనాడులోని అన్ని జిల్లాలు తిరగాలని ప్రణాళిక సిద్ధం చేసుకున్నాడు కమల్ హాసన్. ఈ క్రమంలోనే కోయంబత్తూర్ వెళ్లిన ఆయనకు అక్కడ చేదు అనుభవం ఎదురైంది.
కోయంబత్తూర్లో ఉదయాన్నే లేచి అక్కడ లోకల్ ప్రజలను పలకరించడానికి వెళ్ళాడు కమల్ హాసన్. మార్నింగ్ వాక్ లో భాగంగా ఆ ఏరియాలో ఉన్న ప్రజలను తన దగ్గరికి పిలుచుకుని అన్ని సమస్యల గురించి చర్చించాడు. అయితే కమల్ హాసన్ అక్కడికి వచ్చిన విషయం తెలుసుకొని చాలా మంది అభిమానులు ఒక్కసారిగా బయటకు వచ్చారు. ఆయనతో షేక్ హ్యాండ్ ఇవ్వడానికి, సెల్ఫీలు దిగడానికి పోటీపడ్డారు. అందరితోనూ ఓపికగా మాట్లాడి సమస్యల గురించి చర్చించారు కమల్ హాసన్. అంతే కాదు ప్రతి ఒక్కరికి సెల్ఫీలు ఇచ్చాడు.
ఈ క్రమంలోనే కొందరు అభిమానులు కమల్ వైపు దూసుకు వచ్చారు. ఆయన రక్షణ సిబ్బంది ఆపడానికి ప్రయత్నించినా కూడా కుదరలేదు. ఒక గుర్తు తెలియని అభిమాని కమల్ హాసన్ కాలిని గట్టిగా తొక్కాడు. దాంతో అక్కడే కుప్పకూలిపోయాడు కమల్. వెంటనే ఆయనను హాస్పిటల్ కు తరలించారు.
అక్కడ వైద్యులు కమల్ను టెస్ట్ చేసిన తర్వాత కాలికి గాయమైందని.. కొన్ని రోజులు విశ్రాంతి తీసుకోవాలని సూచించారు. దాంతో ప్రచారానికి కొన్ని రోజులు బ్రేక్ ఇచ్చి బెడ్ రెస్ట్ తీసుకుంటున్నాడు లోకనాయకుడు. త్వరలోనే ఎన్నికల ప్రచారానికి సంబంధించిన కొత్త షెడ్యూల్ విడుదల చేయనున్నారు పార్టీ సభ్యులు. మక్కల్ నీది మయ్యం పార్టీతో ప్రజల ముందుకు వస్తున్నాడు కమల్ హాసన్.
ఇవి కూడా చదవండి..
‘ఉప్పెన’ క్లోజింగ్ కలెక్షన్స్.. వైష్ణవ్ తేజ్ ఆల్ టైమ్ రికార్డ్
ఈ వారం బ్యాడ్ ఫ్రైడే.. అన్ని సినిమాలు డీప్ ఫ్రై..
ప్రభాస్ కంటే అల్లు శిరీష్ సినిమాకే రికార్డులు ఎక్కువ..
‘జాతి రత్నాలు’ సినిమాకు మరో వారం