టవర్‌కు అనుమతులపై హైకోర్టులో పిటిషన్‌.. తదుపరి విచారణ 29కి వాయిదా

హైదరాబాద్‌లోని అబిడ్స్‌లో 35 అంతస్తుల మీనాక్షి ఎలీషియా టవర్‌ నిర్మాణానికి అనుమతులు ఇవ్వడాన్ని సవాలు చేస్తూ ‘సొసైటీ ఫర్‌ క్రూసేడ్‌ అగైనెస్ట్‌ కరప్షన్‌' సంస్థ హైకోర్టులో పిటిషన్‌ దాఖలు చేసింది.

హైదరాబాద్‌, అక్టోబర్‌ 14 (నమస్తే తెలంగాణ):  దీనిపై జస్టిస్‌ బీ విజయ్‌సేన్‌రెడ్డి బుధవారం విచారణ చేపట్టారు. నిబంధనలకు విరుద్ధంగా మీనాక్షి ఎలీషియా టవర్‌ నిర్మాణానికి 2022లో జీహెచ్‌ఎంసీ అనుమతులు మంజూరు చేసిందని పిటిషనర్‌ తరఫు న్యాయవాది వాదించారు.

దీంతో ఈ అంశాన్ని క్షుణ్ణంగా పరిశీలించి ఉత్తర్వులు జారీచేస్తామని స్పష్టం చేసిన న్యాయమూర్తి.. తదుపరి విచారణను ఈ నెల 29కి వాయిదా వేశారు.