మరో 900 కోట్ల అప్పు చేసిన తెలంగాణ

తెలంగాణ మరో రూ.900 కోట్లు అప్పు చేసింది. బాండ్ల విక్రయాల ద్వారా రాష్ర్టానికి రూ.900 కోట్లు కావాలని గత శుక్రవారం రాష్ట్ర ప్రభుత్వం ఆర్బీఐని కోరగా, మంగళవారం మంజూరుకు అనుమతిచ్చింది. 18 ఏండ్ల కాల పరిమితితో ఆ రుణాన్ని పొందింది.

హైదరాబాద్‌, డిసెంబర్‌ 19 (నమస్తే తెలంగాణ): తెలంగాణ మరో రూ.900 కోట్లు అప్పు చేసింది. బాండ్ల విక్రయాల ద్వారా రాష్ర్టానికి రూ.900 కోట్లు కావాలని గత శుక్రవారం రాష్ట్ర ప్రభుత్వం ఆర్బీఐని కోరగా, మంగళవారం మంజూరుకు అనుమతిచ్చింది. 18 ఏండ్ల కాల పరిమితితో ఆ రుణాన్ని పొందింది. దేశంలోని 13 రాష్ర్టాలకు మొత్తం రూ.19,592 కోట్ల రుణాలిస్తున్నట్టు ఆర్బీఐ తెలిపింది. ఇందులో ఉత్తరప్రదేశ్‌కు అత్యధికంగా రూ.4,000 కోట్లు, అత్యల్పంగా అరుణాచల్‌ప్రదేశ్‌కు రూ.170 కోట్ల రుణం మంజూరు చేసింది.