జైళ్లల్లో సాంకేతిక విద్య అవసరం : సౌమ్యామిశ్రా

కారాగారాల్లో నాణ్యమైన సాంకేతిక విద్య అందించడం ఎంతో అవసరమని జైళ్లశాఖ డీజీ సౌమ్యామిశ్రా అన్నారు. సోమవారం చర్లపల్లి కేంద్ర కారాగారాన్ని సందర్శించి, ప్రభుత్వ ఐటీఐ ఏర్పాటు కోసం జరుగుతున్న మౌలిక వసతుల అభివృద్ధి, అఫిలియేషన్‌ ప్రక్రియలు, ఇతర సన్నాహక పనులను సమీక్షించారు.

హైదరాబాద్‌, జూన్‌ 15 (నమస్తే తెలంగాణ): కారాగారాల్లో నాణ్యమైన సాంకేతిక విద్య అందించడం ఎంతో అవసరమని జైళ్లశాఖ డీజీ సౌమ్యామిశ్రా అన్నారు. సోమవారం చర్లపల్లి కేంద్ర కారాగారాన్ని సందర్శించి, ప్రభుత్వ ఐటీఐ ఏర్పాటు కోసం జరుగుతున్న మౌలిక వసతుల అభివృద్ధి, అఫిలియేషన్‌ ప్రక్రియలు, ఇతర సన్నాహక పనులను సమీక్షించారు. ఈ సందర్భంగా ఆమె మాట్లాడుతూ.. ఖైదీల పునరావాసం, నైపుణ్యాభివృద్ధిని బలోపేతం చేయాలనే లక్ష్యంతో చర్లపల్లి సెంట్రల్‌ జైలు ప్రాంగణంలో ప్రభుత్వ పారిశ్రామిక శిక్షణ సంస్థ (ఐటీఐ) ఏర్పాటు చేయాలని ప్రతిపాదించినట్టు తెలిపారు.