కలప కటకట

రాష్ట్రవ్యాప్తంగా కొన్నేండ్లుగా కలప ఉత్పత్తి తగ్గింది. గృహ నిర్మాణాలు పెరగడంతో డిమాండ్‌కు సరిపడా కలప దొరకడంలేదు. దీంతో కలప అవసరాలు తీర్చుకునేందుకు విదేశీ దిగుమతులపై ఆధారపడాల్సి వస్తున్నది.

• అడవుల జిల్లాల్లోనూ అదే పరిస్థితి
• కొన్నేండ్లుగా తగ్గుతున్న ఉత్పత్తి
• హోం ఫర్నిచర్‌లో 80% విదేశీ దిగుమతులే
• రాష్ట్ర అవసరాలను తీరుస్తున్న నాగ్‌పూర్‌ మార్కెట్‌
• భారతీయ టేకుకు ప్రపంచంలోనే అధిక డిమాండ్‌

హైదరాబాద్‌, సెప్టెంబర్‌16 (నమ స్తే తెలంగాణ): రాష్ట్రవ్యాప్తంగా కొన్నేండ్లుగా కలప ఉత్పత్తి తగ్గింది. గృహ నిర్మాణాలు పెరగడంతో డిమాండ్‌కు సరిపడా కలప దొరకడంలేదు. దీంతో కలప అవసరాలు తీర్చుకునేందుకు విదేశీ దిగుమతులపై ఆధారపడాల్సి వస్తున్నది. అటవీప్రాంతాలు దండిగా ఉన్న ఉమ్మడి ఆదిలాబాద్‌, ఖమ్మం, మహబూబ్‌నగర్‌ జిల్లాల్లోనూ ఇలాం టి వాతావరణం నెలకొనడం ఆందోళ న కలిగిస్తున్నది. స్థానిక కలప లభ్యత తగ్గిపోవడంతో ధర కూడా పెరిగింది. విదేశాల నుంచి భారీగా టేకు కర్ర దిగుమతి అవుతుండటం, వాటి ధర కొంత తకువగా ఉండటంతో వ్యాపారులంతా దానినే ఉపయోగిస్తున్నారు.

80% విదేశాల నుంచి దిగుమతి

ప్రస్తుతం వినియోగించే టేకు కలపలో 80 శాతానికిపైగా విదేశాల నుం చి దిగుమతి చేసుకుంటున్నారు. మరికొంత ఉత్తరాఖండ్‌, మధ్యప్రదేశ్‌, మ హారాష్ట్ర నుంచి వస్తున్నది. విదేశాల నుంచి ఏటా లక్షన్నర క్యూబిక్‌ మీటర్లకుపైగా కలప దిగుమతి అవుతున్నట్టు అధికారులు చెప్తున్నారు. ఉమ్మడి ఆదిలాబాద్‌ జిల్లాలోనే ఎనిమిది వేల క్యూ బిక్‌ మీటర్లకుపైగా టేకు కలప అమ్ముడవుతున్నట్టు తెలిపారు.

విదేశాల నుంచి కలప

భారత్‌కు ఇండోనేషియా, సూడా న్‌, గనా, బ్రెజిల్‌, ఈక్వెడార్‌, శ్రీలంకతోపాటు పలు ఆఫ్రికన్‌ దేశాల నుంచి కలప దిగుమతి అవుతున్నది. సముద్ర మార్గంలో కోల్‌కతా, గుజరాత్‌, ముంబై, చెన్నై, విశాఖపట్టణం పోర్టులకు ఓడల ద్వారా కలపను పంపిస్తున్నారు. అకడినుంచి ట్రకులు, కంటెయినర్లలో వివిధ ప్రాంతాలకు రవా ణా చేస్తున్నారు. గుజరాత్‌లోని కాం డ్లా పోర్టు నుంచి సమీపంలోని గాంధీధామ్‌లో ఉన్న ప్రధాన వాణిజ్య కేం ద్రానికి కర్రను పంపిస్తారు.

అకడినుంచి రోడ్డు మార్గంలో మహారాష్ట్రలోని నాగ్‌పూర్‌, హైదరాబాద్‌కు టేకు రవాణా అవుతున్నది. తెలంగాణ, ఆం ధ్రప్రదేశ్‌ కలప అవసరాలను నాగ్‌పూర్‌ మారెటు తీరుస్తున్నది. ఈ నగరంలో 300కుపైగా కలప మిల్లులున్నాయి. ఇకడి వ్యాపారులు అవసరమైతే ఆయా దేశాలకు స్వయంగా వెళ్లి నాణ్యతను పరిశీలించి, కావాల్సిన సరకును ఆర్డర్‌ చేసి తీసుకుంటారు. గతంలో బర్మా (మయన్మార్‌) టేకును ఎకువగా ఉపయోగించేవారు. ప్రస్తు తం ఆ దేశం తన అవసరాల దృష్ట్యా ఎగుమతులు నిలివేయడంతో మిగతా దేశాలు ఎగుమతులను పెంచాయి.

మూడు గ్రేడ్‌ల్లో కలప నాణ్యత

• ప్రస్తుతం టేకు కలపను 3 గ్రేడ్‌లుగా వ్యాపారులు విభజించారు.
• గ్రేడ్‌-ఏ టేకు కలప ధర క్యూబిక్‌ ఫీట్‌కు రూ.1,500 నుంచి రూ.9,000 వరకు పలుకుతున్నది.
• గ్రేడ్‌-బీ రకం రూ.1,200 నుంచి రూ.5,500 వరకు ఉంటుంది.
• గ్రేడ్‌సీ రకం రూ.600 నుంచి రూ.3,500 వరకు పలుకుతున్నది.
• ప్రీమియం క్వాలిటీ టేకు కలప గోధుమ, తెలుపు-పసుపు రంగు ల్లో ఉంటుంది. దీనిని ఎక్కువగా సముద్ర పరిశ్రమల్లో ప్రధాన ముడిపదార్థంగా వినియోగిస్తారు. అధికంగా చమురు స్వభావం ఉండటంతో నీటిని గ్రహించదు. దీని వాసన పాత చర్మం వాసనను పోలి ఉంటుంది. పడవల తయారీకి ప్రధానంగా ఈ రకం కలపను వినియోగిస్తారు. దీని నాణ్యతను వాసన ద్వారా గుర్తించవచ్చు.
• నాణ్యమైన టేకు చెక్క బంగారం రంగులో గోధుమ షేడ్స్‌తో ఉంటుంది. చెట్టు పెరిగిన స్థలం భౌగోళిక స్థితిపై దాని రంగు అధారపడి ఉంటుందని అటవీశాఖ అధికారులు చెప్తున్నారు.
  మార్కెట్‌లోఆరు రకాల టేకు కలప మార్కెట్‌లో ప్రస్తుతం ప్రధానంగా ఆరు రకాల టేకు కలప ఎక్కువగా దొరుకుతున్నది. వాటిలో ప్రతి ఒక్కటి విభిన్న లక్షణాలను కలిగి ఉంటుంది.
• బర్మా టేకు 50 ఏండ్లు పెరుగుతుంది. దీనిని బర్మాలో గుర్తించడంతో ఆ పేరు వచ్చింది. ఇది గోల్డ్‌ టోన్డ్‌ కలర్‌ను పోలి ఉంటుంది. దీనిలో అధిక నూనె పదార్థం ఉంటుంది.
• నిజానికి ప్రపంచంలోనే అత్యంత నాణ్యమైనది భారతీయ టేకు. అడవుల్లో పెరిగేందుకు అనుకూలం. చమురు స్వభావం ఎక్కువ. అంతర్జాతీయ మార్కెట్‌లో దీనికి అధిక డిమాండ్‌ ఉంటుంది.
• ఇండోనేషియా టేకును అంతర్జాతీయ ప్రమాణాల ప్రకారం గ్రేడ్‌-ఏ కింద గుర్తించారు. ఇది తేనె-టోన్‌ రంగులను కలిగి ఉంటుంది. ఎక్కువ కాలం మన్నికగా ఉండటంతో ప్రపంచంలోనే అత్యంత ఖరీదైనది. దీనితో తయారుచేసిన ఫర్నిచర్‌కు తరచూ నూనెతో మెరుగుపరచాలి.
• థాయిలాండ్‌ టేకును గుర్తించడం కష్టం. అందువల్ల దీనిని అంతరించిపోతున్న జాతిగా గుర్తించారు. దీనిని ప్రధానంగా అవుట్‌డోర్‌ ఫర్నిచర్‌ను తయారు చేయడానికి ఉపయోగిస్తారు.
• ఆఫ్రికన్‌ టేకు నాసిరకం కలప. ఇది సాధారణంగా తక్కువ నూనె కలిగి ఉంటుంది. తెగులు, చెదపురుగులు చేరే అవకాశం ఉంటుంది. ఇది 15 నుంచి 20 ఏండ్ల వరకు మాత్రమే పెరుగుతుంది.
• దక్షిణ అమెరికా టేకు చమురు, రంగు, బరువులో ఆఫ్రికన్‌ టేకు మాదిరిగానే డిజైన్‌ పరిశ్రమలో ఉపయోగిస్తారు. కఠినమైన వాతావరణానికి గురైనప్పుడు తక్కువ సంకోచం కలిగి ఉంటుంది.