Inter Exams | విద్యార్థుల జీవితాలతో ఆటలు.. తప్పుల తడకగా ఇంటర్‌ మూల్యాంకనం

ఇంటర్‌ విద్యార్థుల సమాధానాలు రాసినా మార్కులేయకుండా వారి టాలెంట్‌ను కొంద రు అధ్యాపకులు తొక్కిపెడుతున్నారు. ఇటీవలి ఇంటర్‌ మూల్యాంకనంలో ఓ విద్యార్థికి 20 మార్కులు తక్కువేశారు. మరో విద్యార్థికి మొ దట తక్కువ మార్కులేసి, ఆ తర్వాత మరో రెండు మార్కులు అదనంగా కలిపారు.

• మెరిట్‌ విద్యార్థులకు అన్యాయం
• ఫస్టియర్‌ టాపర్లకు సెకండియర్‌లో తక్కువ మార్కులు
• రీ వెరిఫికేషన్‌లోనూ అదే ధోరణి
• ఇంటర్‌బోర్డును ఆశ్రయిస్తున్న విద్యార్థులు

Inter Exams | హైదరాబాద్‌, మే 25 (నమస్తే తెలంగాణ): ఇంటర్‌ విద్యార్థుల సమాధానాలు రాసినా మార్కులేయకుండా వారి టాలెంట్‌ను కొంద రు అధ్యాపకులు తొక్కిపెడుతున్నారు. ఇటీవలి ఇంటర్‌ మూల్యాంకనంలో ఓ విద్యార్థికి 20 మార్కులు తక్కువేశారు. మరో విద్యార్థికి మొ దట తక్కువ మార్కులేసి, ఆ తర్వాత మరో రెండు మార్కులు అదనంగా కలిపారు. ఇలాంటివి కోకొల్లలు. ఇంటర్‌ మూల్యాంకనం తప్పు ల తడకను తలపిస్తున్నది.

అధ్యాపకుల నిర్ల క్ష్యం.. బోర్డు అధికారుల నిర్లిప్తతతో విద్యార్థులకు తీరని అన్యాయం జరుగుతున్నది. ప్రాథమిక సమాచారం ప్రకారం.. 70 మందికి పైగా విద్యార్థులకు ఈ సారి రీవెరిఫికేషన్‌లో మార్కు లు పెరిగాయంటే తప్పిదాలు జరిగిందనేందు కు ఇదే నిదర్శనం. దీంతో విద్యార్థులు పెద్ద ఎత్తున రీ వెరిఫికేషన్‌కు దరఖాస్తు చేస్తున్నారు. ఈ రీ వెరిఫికేషన్‌ను కూడా సక్రమంగా చేయడంలేదన్న ఆరోపణలోస్తున్నాయి.

• ఎలక్ట్రికల్‌ టెక్నిషన్‌ వొకేషనల్‌ కోర్సు విద్యార్థి తుపాకుల శ్యాంసుందర్‌ డొమెస్టిక్‌ అప్లయినెన్స్‌ అండ్‌ రీ వైండింగ్‌ సబ్జెక్టు పేపర్‌ రీ వెరిఫికేషన్‌ కోసం దరఖాస్తు చేసుకొన్నాడు. మొత్తం 50 మార్కులకు ముందు 42 మార్కులేయగా, రీ వెరిఫికేషన్‌ తర్వాత 44 మార్కులేశారు. అంటే రెండు మార్కులు పెరిగాయి.
• ఓ విద్యార్థికి తొలుత 21 మార్కులు రాగా, తర్వాత రీ వెరిఫికేషన్‌లో 91 మార్కులొచ్చినట్టుగా తెలిసింది.
• సంహితకు కామర్స్‌లో 97 మార్కులొచ్చే అవకాశం ఉండగా, కేవలం 77 మార్కులేశారు. రీ వెరిఫికేషన్‌కు దరఖాస్తు చేస్తే ప ట్టించుకోకుండా నిర్లక్ష్యంగా మళ్లీ 77 మా ర్కులే వేశారు. మార్కులను దిద్దినట్టుగా పేపర్‌పై స్పష్టంగా కనిపిస్తున్నది. ఇలా చేయడం క్రిమినల్‌ చర్యతో సమానం.
• ఫస్టియర్‌లో 100కు 99, 98 మార్కులొచ్చిన విద్యార్థులకు సెకండియర్‌లో 10- 20 మార్కులు తక్కువేశారు.
• మరో విద్యార్థి ఇంటర్‌ ఫిస్టయర్‌లో రాష్ట్రస్థాయిలో సెకండ్‌ ర్యాంకును సాధించా రు. కానీ సెకండియర్‌లో 10 మార్కులు తగ్గాయి. రీ వెరిఫికేషన్‌కు దరఖాస్తు చేసినా ఫలితం లేకుండా పోయింది.

అధ్యాపకుల తప్పిదాలేనా?
ఇంటర్‌ జవాబుపత్రాల మూల్యాంకనంలో అధ్యాపకుల తప్పిదం కారణంగానే మార్కుల్లో తేడాలొస్తున్నాయన్న విమర్శలున్నాయి. పేపర్లు అధికంగా ఇవ్వడం వల్లే జరిగి ఉంటుందన్న వాదనలున్నాయి. కొన్ని కాలేజీల యాజమాన్యాలు స్టడీ అవర్స్‌ తీసుకునేవారిని, ట్యూటర్లను మూల్యాంకనానికి పంపిస్తాయి. ఇక వారికి మూల్యాంకనంపై సరైన అవగాహన ఉండకపోవడంతో పలు తప్పిదాలకు ఆస్కారం ఏర్పడుతున్నది.

రీ వెరిఫికేషన్‌కు 48వేల అప్లికేషన్లు
ఈ ఏడాది ఇంటర్‌ మార్కుల రీ వెరిఫికేషన్‌కు ఏకంగా 48వేలకు పైగా దరఖాస్తులొచ్చాయి. ఇక రీ కౌంటింగ్‌కు మరో 2వేల మంది విద్యార్థులు దరఖాస్తు చేసుకున్నారు.