ఎస్సీఈఆర్టీలో స్టేట్‌ లిటరసీ సెంటర్‌

రాష్ర్టాల్లో వయోజన విద్య కార్యక్రమాల అమలు, పర్యవేక్షణకు ప్రత్యేకంగా స్టేట్‌ లిటరసీ సెంటర్‌ (రాష్ట్ర అక్షరాస్యత కేంద్రం)ను ఏర్పాటు చేయాలని కేంద్ర విద్యాశాఖ సూచించింది. స్టేట్‌ కౌన్సిల్‌ ఆఫ్‌ ఎడ్యుకేషనల్‌ రిసెర్చ్‌ అండ్‌ ట్రైనింగ్‌ (ఎస్సీఈఆర్టీ)లో దీనిని ఏర్పాటు చేయాలని పేర్కొన్నది.

హైదరాబాద్‌, జనవరి 8 (నమస్తే తెలంగాణ): రాష్ర్టాల్లో వయోజన విద్య కార్యక్రమాల అమలు, పర్యవేక్షణకు ప్రత్యేకంగా స్టేట్‌ లిటరసీ సెంటర్‌ (రాష్ట్ర అక్షరాస్యత కేంద్రం)ను ఏర్పాటు చేయాలని కేంద్ర విద్యాశాఖ సూచించింది. స్టేట్‌ కౌన్సిల్‌ ఆఫ్‌ ఎడ్యుకేషనల్‌ రిసెర్చ్‌ అండ్‌ ట్రైనింగ్‌ (ఎస్సీఈఆర్టీ)లో దీనిని ఏర్పాటు చేయాలని పేర్కొన్నది.

ఈ మేరకు స్టేట్‌ లిటరసీ సెంటర్‌ ఏర్పాటు మార్గదర్శకాలను సోమవారం కేంద్రం విడుదల చేసింది. 2021లో నేషనల్‌ లిటరసీ సెంటర్‌ను ఢిల్లీలో ప్రారంభించారు. ఇదే తరహాలో రాష్ట్రస్థాయిలోనూ నెలకొల్పాలని ఎన్సీఈఆర్టీ ప్రతిపాదించింది. ఈ సెంటర్‌కు ఎస్సీఈఆర్టీ డైరెక్టర్‌ ఎక్స్‌ఆఫిషియో చైర్మన్‌గా, రాష్ట్ర అక్షరాస్యత మిషన్‌ అథారిటీ డైరెక్టర్‌ వైస్‌ చైర్మన్‌గా, ప్రొఫెసర్‌ సభ్యకార్యదర్శిగా, ఇద్దరు ఎస్సీఈఆర్టీ ప్రొఫెసర్లు సభ్యులుగా ఉంటారు.