Sri Rama Navami | వైభవంగా శ్రీరామ నవమి వేడుకలు..పూజలు నిర్వహించిన మంత్రులు, ప్రజాప్రతినిధులు

వనపర్తి జిల్లా(Vanaparthy) కేంద్రంలో శ్రీ వెంకటేశ్వర స్వామి వారి ఆలయంలో జరిగిన శ్రీరామనవమి ఉత్సవాల్లో రాష్ట్ర వ్యవసాయ శాఖ మంత్రి సింగిరెడ్డి నిరంజన్ రెడ్డి(Minister Niranjan rddy) దంపతులు పూజల్లో పాల్గొని పట్టువస్త్రాలు సమర్పించారు.

పెద్దపల్లి (Peddapalli) జిల్లా ధర్మారం మండలం కేంద్రంలోని శ్రీ సీతారామచంద్రస్వామి ఆలయం, ఖిలావనపర్తి ఆలయంలో సంక్షేమ శాఖ మంత్రి కొప్పుల ఈశ్వర్(Minister Koppula Eshwar) ప్రత్యేక పూజలు నిర్వహించారు.

పాలకుర్తి(Palakurthy) నియోజకవర్గంలో రాష్ట్ర పంచాయితీరాజ్, గ్రామీణాభివృద్ధి మంత్రి ఎర్రబెల్లి దయాకర్ రావు(Minister Errabelli) నియోజకవర్గ వ్యాప్తంగా ఉన్న పలు ఆలయాలను సతీమణి ఉషా దయాకర్ రావు తో కలిసి సందర్శించి ప్రత్యేక పూజలు నిర్వహించారు. ముత్యాల తలంబ్రాలు, పట్టు వస్త్రాలు సమర్పించారు.

సూర్యాపేట(Suryapeta)లోని బొడ్రాయి బజార్ లోని శ్రీ వేదాంత భజన మందిరంలో జరిగిన శ్రీరామ కళ్యాణ మహోత్సవంలో మంత్రి జగదీష్ రెడ్డి (Minister Jagadish), సునీత దంపతులు పాల్గొని పట్టువస్త్రాలు , ముత్యాల తలంబ్రాలు అందజేశారు.

నాగర్‌కర్నూల్ జిల్లా కేంద్రంలోని రామాలయంలో జరిగిన కళ్యాణంలో ఎమ్మెల్యే మర్రి జనార్థన్ రెడ్డి పాల్గొని పూజలు చేశారు. నల్లగొండ లోని రామగిరి శ్రీ సీతారామచంద్రస్వామి దేవస్థానం లో దేవాదాయ ధర్మాదాయ శాఖ అసిస్టెంట్ కమిషనర్, పాలకమండలి చైర్మన్ లకు నల్లగొండ శాసనసభ్యులు కంచర్ల భూపాల్ రెడ్డి దంపతులు శాస్త్రోక్తంగా ప్రత్యేక పూజలు నిర్వహించిన, తలంబ్రాలు, పట్టు వస్త్రాలు, పూజా ద్రవ్యాలు భక్తిశ్రద్దలతో అందజేశారు.