Bhatti Vikramarka | నిజమే.. ఊహకందని పాలనే.. డిప్యూటీ సీఎం భట్టి వ్యాఖ్యలపై సెటైర్లు

కాంగ్రెస్‌ ప్రభుత్వం ఏర్పడిన తర్వాత ఊహకందని అభివృద్ధి, సంక్షేమం అందించామని డిప్యూటీ సీఎం భట్టి విక్రమార్క చెప్పడంపై సెటైర్లు పేలుతున్నాయి. గత 11 నెలల్లో జరిగిన ఊహకందని విషయాలను పంచుకుంటున్నారు. ‘నిజమే.. ఊహకందని పాలనే’ అంటూ వ్యగ్యాస్ర్తాలు విసురుతున్నారు.

Bhatti Vikramarka | హైదరాబాద్‌, నవంబర్‌ 9 (నమస్తే తెలంగాణ): కాంగ్రెస్‌ ప్రభుత్వం ఏర్పడిన తర్వాత ఊహకందని అభివృద్ధి, సంక్షేమం అందించామని డిప్యూటీ సీఎం భట్టి విక్రమార్క చెప్పడంపై సెటైర్లు పేలుతున్నాయి. గత 11 నెలల్లో జరిగిన ఊహకందని విషయాలను పంచుకుంటున్నారు. ‘నిజమే.. ఊహకందని పాలనే’ అంటూ వ్యగ్యాస్ర్తాలు విసురుతున్నారు.

• ‘100 రోజులు, గ్యారంటీ’ అనే పదాలకు అర్థం మారుస్తారని ఊహించలేదు
• డిక్లరేషన్లు మూలకు పడేస్తారని ఊహించలేదు
• ప్రజాపాలన దరఖాస్తులు రోడ్లపై పడతాయని ఊహించలేదు
• సర్వే పేరుతో పుట్టుపూర్వోత్తరాల వివరాలు అడుగుతారని ఊహించలేదు
• రైతుబంధు ఎగ్గొడతారని ఊహించలేదు
• సగం రుణమాఫీ చేస్తారని ఊహించలేదు.
• ఆటోడ్రైవర్లు ఆత్మహత్యలు చేసుకుంటారని ఊహించలేదు
• బతుకమ్మ చీరలు బంద్‌ అవుతాయని ఊహించలేదు
• పోలీసులు, హోంగార్డులు ధర్నా చేస్తారని ఊహించలేదు
• నిరుద్యోగులపై లాఠీలు విరుగుతాయని ఊహించలేదు
• ఎమ్మెల్యేలపై లాఠీచార్జీ జరుగుతుందని ఊహించలేదు
• విషాహారాలతో గురుకులాలు ఆగమవుతాయని ఊహించలేదు
• సర్పంచులు ఆత్మహత్యలు చేసుకునే పరిస్థితి వస్తుందని ఊహించలేదు
• నిధులు లేక గ్రామాలు, పట్టణాలు కంపు కొడతాయని ఊహించలేదు
• రాష్ట్రం నుంచి పెట్టుబడులు వెనక్కిపోతాయని ఊహించలేదు
• హైడ్రా పుట్టుకొచ్చి.. ఇండ్లను కూల్చుతారని ఊహించలేదు.
• మూసీ ప్రాజెక్టు పేరుతో పేదలపై పడతారని ఊహించలేదు.
• రియల్‌ ఎస్టేట్‌ రంగం కుదేలవుతుందని ఊహించలేదు
• ఆర్థిక వృద్ధి తిరోగమనం చెందుతుందని ఊహించలేదు