Hyderabad | 3న‌ ఓట్ల లెక్కింపు.. హైద‌రాబాద్‌లో పలు ఆంక్షలు

Hyderabad | ఆదివారం ఓట్ల లెక్కింపు సందర్భంగా లెక్కింపు కేంద్రాల వద్ద ఆంక్షలు విధిస్తూ హైద‌రాబాద్ పోలీస్‌ కమిషనర్‌ సందీప్‌ శాండిల్య, రాచకొండ పోలీస్‌ కమిషనర్‌ డీఎస్‌ చౌహాన్‌లు శుక్రవారం ఉత్తర్వులు జారీ చేశారు. ఈ ఆంక్షలు 3వ తేదీ ఉదయం 6 గంటల నుంచి 4వ తేదీ ఉదయం 6 గంటల వరకు అమలులో ఉండనున్నాయి.

Hyderabad | హైద‌రాబాద్ : ఆదివారం ఓట్ల లెక్కింపు సందర్భంగా లెక్కింపు కేంద్రాల వద్ద ఆంక్షలు విధిస్తూ హైద‌రాబాద్ పోలీస్‌ కమిషనర్‌ సందీప్‌ శాండిల్య, రాచకొండ పోలీస్‌ కమిషనర్‌ డీఎస్‌ చౌహాన్‌లు శుక్రవారం ఉత్తర్వులు జారీ చేశారు. ఈ ఆంక్షలు 3వ తేదీ ఉదయం 6 గంటల నుంచి 4వ తేదీ ఉదయం 6 గంటల వరకు అమలులో ఉండనున్నాయి.

కౌంటింగ్‌ కేంద్రాల వద్ద 144 సెక్షన్‌ విధించారు. నిషేధిత కర్రలు, లాఠీలు, పేలుడు పదార్ధాలు, ఆయుధాలతో తిరగడాన్ని నిషేధించారు. మైక్‌లు, మ్యూజిక్‌ సిస్టమ్‌, ప్రసంగాలు చేయడం, నిషేధిత ఫోటోలు, సింబల్స్‌, ప్లకార్డులు ప్ర‌ద‌ర్శించ‌కూడ‌ద‌ని ఆదేశించారు. విధి నిర్వహణలో ఉన్న పోలీసు, మిల‌ట‌రీ, ఎలక్షన్‌ అధికారులకు ఈ ఆంక్షల నుంచి మినహాయింపు ఉంటుందన్నారు. రోడ్లు, బహిరంగ ప్రదేశాలలో టపాసులు కాల్చడంపై నిషేధం విధించారు. అలాగే ఓట్ల లెక్కింపు సందర్భంగా ఆదివారం మద్యం దుకాణాలను మూసివేయాలని సీపీ ఆదేశాలు జారీ చేశారు.