గీతం అధ్యాపకుడికి సెర్చ్‌ ప్రాజెక్టు

హైదరాబాద్‌ గీతం డీమ్డ్‌ విశ్వవిద్యాలయంలోని స్కూల్‌ ఆఫ్‌ సైన్స్‌, రసాయన శాస్త్ర విభాగం అసిస్టెంట్‌ ప్రొఫెసర్‌ డాక్టర్‌ ప్రలోక్‌కుమార్‌ సమంతకు భారత ప్రభుత్వ శాస్త్ర, సాంకేతిక విభాగానికి చెందిన పరిశోధనా బోర్డు (సెర్చ్‌) ప్రాజెక్టును కేటాయించింది.

పటాన్‌చెరు, ఫిబ్రవరి 8: హైదరాబాద్‌ గీతం డీమ్డ్‌ విశ్వవిద్యాలయంలోని స్కూల్‌ ఆఫ్‌ సైన్స్‌, రసాయన శాస్త్ర విభాగం అసిస్టెంట్‌ ప్రొఫెసర్‌ డాక్టర్‌ ప్రలోక్‌కుమార్‌ సమంతకు భారత ప్రభుత్వ శాస్త్ర, సాంకేతిక విభాగానికి చెందిన పరిశోధనా బోర్డు (సెర్చ్‌) ప్రాజెక్టును కేటాయించింది. ఈ విషయాన్ని గీతం హైదరాబాద్‌ అదనపు వీసీ ప్రొఫెసర్‌ ఎన్‌ శివప్రసాద్‌ మంగళవారం తెలిపారు. ఓఎల్‌ఈడీ అప్లికేషన్‌ కోసం సేంద్రియ ఉద్గారాల గణన రూపకల్పన పేరిట చేపడుతున్న మూడేండ్ల ప్రాజెక్టుకు రూ.34.69 లక్షల గ్రాంటు మంజూరు చేసినట్టు పేర్కొన్నారు. ఈ పరిశోధనలో సాయపడేందుకు ప్రాజెక్టు ఫెలో అవసరమని, ఎమ్మెస్సీ కెమిస్ట్రీ, అప్లయిడ్‌ కెమిస్ట్రీ, ఫిజిక్స్‌, మెటీరియల్‌ సైన్స్‌ ప్రథమశ్రేణిలో ఉత్తీర్ణులైనవారు అర్హులని, నెట్‌/గెట్‌లో అర్హత సాధించినవారికి ప్రాధాన్యం ఉంటుందని వెల్లడించారు. వివరాలకు 87680 84015ను సంప్రదించాలని, లేదా psamanta@gitam.edu కు ఈ-మెయిల్‌ చేయాలని సూచించారు.