Visit:
TG Weather | తెలంగాణ‌లో ఈ నెల 29 వ‌ర‌కు వ‌ర్షాలు కొన‌సాగుతాయ‌ని వాతావ‌ర‌ణ‌శాఖ హెచ్చ‌రించింది. మోస్త‌రు నుంచి భారీ వ‌ర్షాలు కురిసే అవ‌కాశాలున్నాయ‌ని హెచ్చ‌రించింది. ఈ క్ర‌మంలో ఆయా జిల్లాల‌కు వాతావ‌ర‌ణ‌శాఖ ఎల్లో అలెర్ట్‌ను జారీ చేసింది. గురువారం భూపాల‌ప‌ల్లి, ములుగు, భ‌ద్రాద్రి కొత్త‌గూడెం, సూర్యాపేట, మ‌హ‌బూబాబాద్‌, వ‌రంగ‌ల్‌, హ‌న్మ‌కొండ జిల్లాల్లో అక్క‌డ‌క్క‌డ భారీ వ‌ర్షాలు ప‌డుతాయ‌ని పేర్కొంది. శుక్ర‌వారం ఆదిలాబాద్‌, ఆసిఫాబాద్‌, మంచిర్యాల, నిర్మ‌ల్‌, నిజామాబాద్‌, భూపాల‌ప‌ల్లి, ములుగు, కొత్త‌గూడెం, ఖ‌మ్మం, వ‌రంగ‌ల్‌, హ‌న్మ‌కొండ, జ‌న‌గాం, మెద‌క్‌, కామారెడ్డి జిల్లాల్లో ఉరుములు, మెరుపులు, ఈదురుగాలులతో కూడిన భారీ వ‌ర్షాలు కురిసే అవ‌కాశాలున్నాయ‌ని తెలిపింది.
ఆదివారం ఆదిలాబాద్‌, ఆసిఫాబాద్‌, మంచిర్యాల, నిర్మ‌ల్‌, నిజామాబాద్‌, జ‌గిత్యాల, రాజ‌న్న సిరిసిల్ల, క‌రీంన‌గ‌ర్‌, పెద్ద‌ప‌ల్లి, భూపాల‌ప‌ల్లి, ములుగు, కొత్త‌గూడెం, ఖ‌మ్మం, వికారాబాద్‌, సంగారెడ్డి, మెద‌క్‌, కామారెడ్డి జిల్లాల్లోనూ భారీ వ‌ర్షాలుప‌డే సూచ‌న‌లున్నాయ‌ని చెప్పింది. సోమ‌వారం ఆదిలాబాద్‌, ఆసిఫాబాద్‌, మంచిర్యాల, నిర్మ‌ల్‌, నిజామాబాద్‌, జ‌గిత్యాల, రాజ‌న్న సిరిసిల్ల, పెద్ద‌ప‌ల్లి, భూపాల‌ప‌ల్లి, మ‌లుగు, రంగారెడ్డి, హైద‌రాబాద్‌, మేడ్చ‌ల్ మ‌ల్కాజ్‌గిరి, వికారాబాద్‌, సంగారెడ్డి, మెద‌క్‌, కామారెడ్డి, మ‌హ‌బూబ్‌న‌గ‌ర్‌, నాగ‌ర్ క‌ర్నూల్‌, వ‌న‌ప‌ర్తి, నారాయ‌ణ‌పేట, జోగులాంబ గద్వాల జిల్లాల్లో వ‌ర్షాలు కురిసే అవ‌కాశాలున్నాయ‌ని వివ‌రించింది.
