ఇటీవల వైవాహిక బంధంలోకి అడుగుపెట్టింది హిమచల్ సొగసరి యామీగౌతమ్. ‘ఉరి’ చిత్రంలో నటిస్తున్న సమయంలో దర్శకుడు ఆదిత్యధర్తో యామీగౌతమ్కు ఏర్పడిన పరిచయం ప్రేమగా మారింది. పెద్దల అంగీకారంతో ఈ జంట పెళ్లిపీటలెక్కారు. కొన్నాళ్లుగా వివాహ బంధంలోని మాధుర్యాన్ని ఆస్వాదిస్తోన్న యామీ గౌతమ్ తిరిగి సినిమాలపై దృష్టిసారిస్తోంది. మంగళవారం ఆమె ‘లాస్ట్’ పేరుతో కొత్త చిత్రాన్ని ప్రకటించింది. ‘పింక్’ ఫేమ్ అనిరుద్ధా రాయ్ చౌదరి దర్శకత్వం వహించనున్న ఈ చిత్రంలో యామీగౌతమ్ క్రైమ్ జర్నలిస్ట్ పాత్రలో కనిపించబోతున్నట్లు సమాచారం. సమాజంలో నైతిక విలువలు, మంచితనం ఎలా పతనమవుతున్నాయనే అంశాన్ని ఆవిష్కరిస్తూ సామాజిక ఇతివృత్తంతో ఈ సినిమాను తెరకెక్కించనున్నారు. ఇన్వెస్టిగేటివ్ డ్రామా కథాంశంతో సమకాలీన సమాజ పరిస్థితులకు అద్దంపడుతూ సాగే ఈ చిత్రంలో యామీగౌతమ్ పాత్ర ప్రయోగాత్మకంగా సాగనున్నట్లు సమాచారం. పంకజ్కపూర్, రాహుల్ ఖన్నా, పియాబాజ్పాయ్ ఈ చిత్రలో కీలక పాత్రలను పోషించనున్నారు. త్వరలో రెగ్యులర్ షూటింగ్ ప్రారంభంకానున్నది.