Phone Tapping | దోపిడీలు, కిడ్నాప్‌లు, లైంగిక దాడి.. ఫోన్ ట్యాపింగ్ పిటిషనర్ చక్రధర్ గౌడ్ చరిత్ర మొత్తం నేరమయం

Phone Tapping | బీఆర్‌ఎస్‌ నేత హరీశ్‌రావుపై ఫోన్‌ట్యాపింగ్‌ ఫిర్యాదు చేసిన సిద్దిపేట కాంగ్రెస్‌ పార్టీ మాజీ నేత చక్రధర్‌గౌడ్‌ చరిత్ర అంతా నేరమయంగా ఉన్న ట్టు అతనిపై నమోదైన కేసులు వెల్లడిస్తున్నాయి.

Phone Tapping హైదరాబాద్‌, జనవరి 5 (నమస్తే తెలంగాణ): బీఆర్‌ఎస్‌ నేత హరీశ్‌రావుపై ఫోన్‌ట్యాపింగ్‌ ఫిర్యాదు చేసిన సిద్దిపేట కాంగ్రెస్‌ పార్టీ మాజీ నేత చక్రధర్‌గౌడ్‌ చరిత్ర అంతా నేరమయంగా ఉన్న ట్టు అతనిపై నమోదైన కేసులు వెల్లడిస్తున్నాయి. హరీశ్‌రావుపై మోపిన అభియోగాలను సుప్రీంకోర్టు కొట్టివేసిన నేపథ్యం లో చక్రధర్‌గౌడ్‌కు వ్యతిరేకంగా పలువురు సిద్దిపేట నేతలు గళం విప్పుతున్నా రు. ఆయన కారణంగా అన్యాయానికి గురైనవారు కేసులు పెట్టేందుకు సిద్ధం అ వుతున్నారు.

ఆయనపై గతంలో నమోదైన కేసుల చిట్టా బహిర్గతం అయింది. ‘చెల్లి’ అంటూనే స్నేహితుడి భార్యపై చక్రధర్‌గౌడ్‌ కన్నేసినట్టు బాధితురాలు ఆరోపించారు. తనకు ఇల్లు ఇస్తానని నమ్మబలికి, ఓ మహిళను వంచించి అఘాయిత్యానికి పాల్పడినట్టు బాధితురాలు కన్నీ టి పర్యంతమైన వీడియో గతంలో సోష ల్‌ మీడియాలో చక్కర్లు కొట్టింది. ఆ త రువాత మనస్తాపానికి గురైన ఆ మహిళ ఆత్మహత్యాయత్నం చేసినట్టు తెలిపింది. ఆడబిడ్డలను వేధించి, లొంగదీసుకోవ డంలో చక్రధర్‌గౌడ్‌ దిట్ట అని సిద్దిపేటకు చెందిన కాంగ్రెస్‌ నేతలే చెప్తున్నారు.

చక్రధర్‌పై నమోదైన కేసుల జాబితా

• సిద్దిపేట టూటౌన్‌ పీఎస్‌లో క్రైమ్‌ నంబర్‌ : 157/2006 కింద కేసు
• చీటింగ్‌, సైబర్‌ మోసానికి సంబంధించి సైబరాబాద్‌, సైబర్‌ క్రైమ్‌ పీఎస్‌లో కేసు నమోదైంది.
• ఉద్దేశపూర్వకంగా బాధ కలిగించడం వంటి నేరంలో సైబరాబాద్‌లోని బాచుపలిలో కేసు నమోదైంది.
• హౌస్‌ ట్రెస్‌పాస్‌, అసాల్ట్‌, మహిళ గౌరవాన్ని కించపరచడం వంటి అభియోగాల కింద బాచుపల్లి పీఎస్‌లో కేసు నమోదైంది.
• ర్యాష్‌ డ్రైవింగ్‌ కేసులో సనత్‌నగర్‌ పోలీస్‌స్టేషన్‌లో కేసు నమోదైంది.
• లైంగికదాడికి యత్నం కేసులో శామీర్‌పేట్‌లో కేసు నమోదైంది.
• దోపిడీ, కిడ్నాప్‌ యత్నం కేసులో ఘట్‌కేసర్‌లో కేసు నమోదైంది.
• జాయింట్‌ సైబర్‌ క్రైమ్‌ ఇన్వెస్టిగేషన్‌లో భాగంగా క్రైమ్‌ నం : 909/2023 మరియు 908/2023లో సైబర్‌ నేరాలకు సంబంధించిన నేరాలు చక్రధర్‌గౌడ్‌పై ఉన్నాయి. ఆ కేసులను టాస్‌ఫోర్స్‌, సైబర్‌ క్రైమ్‌ పోలీసులు విచారించారు.