57 ఏండ్లు దాటిన వారికి పింఛను

ఆసరా పింఛన్ల వయోపరిమితిని 57 ఏండ్లకు తగ్గించిన ప్రభుత్వం 2022-23 ఆర్థిక సంవత్సరం నుంచి అర్హులను ఎంపిక చేసి కొత్త పింఛన్లు ఇవ్వనున్నది. ఇందుకోసం బడ్జెట్‌లో అదనంగా రూ.2,128 కోట్లు కేటాయించింది

• వచ్చే ఆర్థిక సంవత్సరంలో అమలు
• కొత్త పింఛన్లకు రూ. 2 వేల కోట్లు
• మొత్తం ఆసరాకు రూ.11,728 కోట్ల కేటాయింపు

హైదరాబాద్‌, మార్చి 7 : ఆసరా పింఛన్ల వయోపరిమితిని 57 ఏండ్లకు తగ్గించిన ప్రభుత్వం 2022-23 ఆర్థిక సంవత్సరం నుంచి అర్హులను ఎంపిక చేసి కొత్త పింఛన్లు ఇవ్వనున్నది. ఇందుకోసం బడ్జెట్‌లో అదనంగా రూ.2,128 కోట్లు కేటాయించింది. వృద్ధులు, వితంతువులు, దివ్యాంగులు, ఒంటరి మహిళలు, బీడీ కార్మికులు, చేనేత, గీత కార్మికులు, ఎయిడ్స్‌ రోగులు, బోధకాలు వ్యాధిగ్రస్తులకు ఆసరా పింఛన్లను అందిస్తున్నది. వీరి కోసం బడ్జెట్‌లో మొత్తం రూ.11,728 కోట్లు కేటాయించింది.

• ఆసరా పింఛన్లకు ప్రభుత్వం ప్రతి నెలా దాదాపుగా ఖర్చు చేస్తున్న మొత్తం దాదాపు రూ.800 కోట్లు
  ఆ లెక్కన ఏటా రూ.9,600 కోట్లకు పైగా వెచ్చిస్తున్నది.
• ఏడున్నరేండ్లలో ఆసరా పింఛన్లకు సర్కారు చెల్లించిన మొత్తం రూ.46,650 కోట్లు
  వీటికి అదనంగా 2022-23 బడ్జెట్‌లో రూ.2,128 కోట్లు కేటాయించింది.
• ఇప్పటికే 8 లక్షలకు పైగా మంది పింఛనుకు దరఖాస్తు చేసుకొన్నారు
• దరఖాస్తులను పరిశీలించి అర్హులకు వచ్చే ఆర్థిక సంవత్సరం నుంచి పింఛను ఇవ్వనున్నది.
• ప్రస్తుతం రాష్ట్రంలో ఆసరా లబ్ధిదారులు 38.41 లక్షల మంది ఉన్నారు.