Dasturabad PHC | ఇండెంట్ పెట్టినా.. మందులు ఎక్కడ? పీహెచ్సీలో రోగుల అవస్థలు
దస్తూరాబాద్ మండల కేంద్రంలోని పీహెచ్సీలో మందులు, వ్యాక్సిన్ల కొరత రోగులకు తీవ్ర ఇబ్బందిగా మారింది.
దస్తూరాబాద్: నిర్మల్ జిల్లా దస్తూరాబాద్ మండల కేంద్రంలోని పీహెచ్సీలో మందులు, వ్యాక్సిన్ల కొరత రోగులకు తీవ్ర ఇబ్బందిగా మారింది. అవసరమైన మందులు, వ్యాక్సిన్ల కోసం నెల రోజుల క్రితమే ఇండెంట్ పెట్టినా ఇప్పటివరకు సరఫరా కాకపోవడంపై బాధితులు ఆగ్రహం వ్యక్తం చేస్తున్నారు. ఇండెంట్ పెట్టిన తర్వాత కూడా మందులు రాకపోవడంతో పీహెచ్సీకి వచ్చే రోగులకు వైద్యం అందించడంలో ఇబ్బందులు ఎదురవుతున్నాయని వాపోతున్నారు.
ఇండెంట్ పెట్టినా.. స్పందనేది?
నెల రోజులుగా మందుల కోసం ఎదురుచూస్తున్నా సరఫరా విషయంలో స్పష్టత లేకపోవడంతో రోగులు అయోమయానికి గురవుతున్నారు. అవసరమైన మందులు పీహెచ్సీలో లభించక బయట మెడికల్ షాపులను ఆశ్రయించాల్సి వస్తోందని బాధితులు చెబుతున్నారు. దస్తూరాబాద్ మండలం మారుమూల ప్రాంతం కావడంతో ఇతర ప్రాంతాల్లోని ఆస్పత్రులు, మెడికల్ షాపులకు వెళ్లడం రోగులకు అదనపు భారంగా మారుతోంది. పీహెచ్సీలోనే మందులు అందుతాయని ఆశతో వచ్చే వారికి కొరత పరిస్థితి నిరాశ కలిగిస్తోంది.
వ్యాక్సిన్లు లేక ఆందోళన
అవసరమైన వ్యాక్సిన్లు కూడా అందుబాటులో లేకపోవడంతో అత్యవసర పరిస్థితుల్లో ఏం చేయాలంటూ బాధితులు ప్రశ్నిస్తున్నారు. ముఖ్యంగా కోతుల బారిన పడిన వారికి అవసరమైన యాంటీ రేబిస్ వ్యాక్సిన్ విషయంలో కొరత ఉండటంపై ఆందోళన వ్యక్తం చేస్తున్నారు. నెల రోజుల క్రితమే ఇండెంట్ పెట్టినా మందులు, వ్యాక్సిన్లు ఎందుకు సరఫరా కాలేదన్న ప్రశ్నలు వ్యక్తమవుతున్నాయి. సీజనల్ వ్యాధుల కాలంలోనూ మందుల కొరత కొనసాగడంపై ప్రజలు అసంతృప్తి వ్యక్తం చేస్తున్నారు. ఉన్నతాధికారులు వెంటనే స్పందించి ఇండెంట్ మేరకు మందులు, వ్యాక్సిన్లు సరఫరా చేయాలని కోరుతున్నారు.
Read Today's Latest Telangana News in Telugu and Telugu News
RELATED ARTICLES
తాజా వార్తలు
Gold Dollar | శ్రీ పద్మావతి అమ్మవారికి రూ.10 లక్షల విలువైన బంగారు డాలర్ విరాళం
పింఛన్ల పెంపు ఏదీ ? : లకావత్ గిరిబాబు
వడ్డేపల్లి దామోదర్ రెడ్డి మృతి బాధాకరం : మాజీ ఎమ్మెల్యే రమావత్ రవీంద్ర కుమార్
Arrest | ‘ఒక లిప్కిస్ ఇయ్యవా ప్లీజ్’.. థాయ్-ఫ్రెంచ్ యూట్యూబర్కు ఉదయ్పూర్ వ్యక్తి వేధింపులు..!
బీఆర్ఎస్ సర్పంచులపై ఎమ్మెల్యే బీర్ల అయిలయ్య చిందులు
ట్రెండింగ్ వార్తలు
China flies electric plane | 19 సీట్ల ఎలక్ట్రిక్ విమానం.. విజయవంతంగా నడిపి పరీక్షించిన చైనా
Watch: వేగంగా వస్తున్న కారు నుంచి తప్పించుకునేందుకు మహిళ యత్నం.. ఆ తర్వాత ఏం జరిగిందంటే?
Odisha teacher 14 days in ditch | కొండచరియలు విరుగడంతో గుంతలో చిక్కుకున్న టీచర్.. 14 రోజుల తర్వాత గుర్తించిన కాపరి
Watch: బైకులతో సింహాన్ని అడ్డుకున్న అటవీ శాఖ సిబ్బంది.. తర్వాత ఏం జరిగిందంటే?
Snowfall | ద్రాస్ సెక్టార్లో మంచు అందాల కనువిందు.. Video

