14 నుంచి పీహెచ్‌డీ ఎంట్రెన్స్‌ ఎగ్జామ్స్‌

ఉస్మానియా యూనివర్సిటీ పీహెచ్‌డీ ఎంట్రెన్స్‌ పరీక్ష తేదీలు ఖరారయ్యాయి. ఓయూ డైరెక్టరేట్‌ ఆఫ్‌ అడ్మిషన్స్‌ డైరెక్టర్‌ ప్రొఫెసర్‌ ఐ పాండురంగారెడ్డి ఆదివారం అధికారికంగా ప్రకటన విడుదల చేశారు.

హైదరాబాద్‌, అక్టోబర్‌ 18(నమస్తే తెలంగాణ) : ఉస్మానియా యూనివర్సిటీ పీహెచ్‌డీ ఎంట్రెన్స్‌ పరీక్ష తేదీలు ఖరారయ్యాయి. ఓయూ డైరెక్టరేట్‌ ఆఫ్‌ అడ్మిషన్స్‌ డైరెక్టర్‌ ప్రొఫెసర్‌ ఐ పాండురంగారెడ్డి ఆదివారం అధికారికంగా ప్రకటన విడుదల చేశారు. మొత్తం 53 సబ్జెక్టులకు పీహెచ్‌డీ ప్రవేశ పరీక్షలు ఉంటాయని, నవంబర్‌ 14 నుంచి 16వ తేదీ వరకు నిర్వహిస్తామని పేర్కొన్నారు.

రోజుకు మూడు సెషన్ల చొప్పున కంప్యూటర్‌ బేస్డ్‌ విధానంలో పరీక్షలు ఉంటాయని తెలిపారు. ఓయూ వెబ్‌సైట్‌లో నవంబర్‌ 10 నుంచి హాల్‌టికెట్లు అందుబాటులో ఉంటాయని వెల్లడించారు. హైదరాబాద్‌లోనే పరీక్షాకేంద్రాలు ఉంటాయని, నిర్ణీత సమయానికి 90 నిమిషాల ముందే.. పరీక్షాకేంద్రాలకు చేరుకొని రిపోర్టింగ్‌ చేయాలని సూచించారు.